Հայ ներդրողները հարյուր միլիոնավոր դոլարների պահանջ են ներկայացրել Ադրբեջանին 8 դեկտեմբերի 2022 - 14:15 AMT PanARMENIAN.Net - Փոքր ՀԷԿ-երի 19 հայ մասնավոր ներդրող Ադրբեջանին ծանուցել է իրենց հարյուր միլիոնավոր դոլարների հասնող ներդրումների փոխհատուցման պահանջի մասին։ Այդ պահանջը հիմնավորվում է՝ հղում անելով էներգետիկ խարտիայի միջազգային պայմանագրի, նշվում է միջազգային դատական գործերի լուսաբանմամբ մասնագիտացած Global Arbitration Review (GAR) պորտալի հրապարակման մեջ։ Նրանք իրենց պահանջների մասին ծանուցել են Ադրբեջանին, և եթե վերջինիս չարձագանքի հայ ներդրողների պահանջին, արդեն կդիմեն միջազգային արբիտրաժ՝ վեճը լուծելու համար, հայտնում է «Փաստինֆոն»։ Հայ ներդրողների շահերը ներկայացնում են միջազգային իրավաբանական Willkie Farr & Gallagher ընկերությունը և հայկական՝ «Դավիթ և գործընկերներ» իրավաբանական ընկերությունը, որը հիմնել է արդարադատության նախկին նախարար Դավիթ Հարությունյանը: «Դավիթ և գործընկերներ» իրավաբանական ընկերության կառավարող գործընկեր, արդարադատության նախկին նախարար Դավիթ Հարությունյանը որոշ մանրամասներ է հայտնել այս գործի առնչությամբ։ «Խնդիրը հետևյալն է՝ քանի որ կան սեփականատերեր, որոնց ՀԷԿ-երն անցել են Ադրբեջանի տիրապետման ներքո, բնականաբար սեփականատերերը պահանջում են հատուցում, իրենց կորցրած բիզնեսի համար։ Ընթացակարգը հետևյալն է՝ մենք իրենց դիմել ենք, իրենք ունեն 3 ամիս՝ արձագանքելու համար, որից հետո մենք արդեն կանցնենք գործողությունների»,- նշել է Դավիթ Հարությունյանը։ Այս հայցը առաջին հայտնի ներդրող-պետություն վեճն է, որը ծագել է Արցախյան երկրորդ պատերազմից հետո։ Խոսքը, մասնավորապես, վերաբերում է Քարվաճառում, Բերձորում և Արցախի այլ տարածքներում կառուցված ՀԷԿ-երին, որոնք Արցախյան երկրորդ պատերազմից՝ 2020 թվականից հետո մնացել են Ադրբեջանի տիրապետման ներքո։ Ուշագրավ Նա նաև ասել է, որ տարածաշրջանային անվտանգությունը պետք է ապահովեն տարածաշրջանի երկրները
Նա հավելել է, որ թուրքական կողմն ավարտել է Նախիջևանի և Կարսի միջև 224 կմ երկարությամբ երկաթուղային գծի կառուցումը Փետրվարի 1-ին Միջազգային քրեական դատարանը իրավասություն է ստանալու հետաքննել Ալիևի գործողությունները Նա նշել է, որ դիտարկում է հայկական բանակին «ոչ մահաբեր ձևաչափով» աջակցություն ցուցաբերելու հնարավորությունը, բայց կոնկրետ որոշումներ չկան Ամենաընթերցվողը բաժնում | Վարսեն Աղաբեկյանը` Պաղեստինի ԱԳ նախարար Պաղեստինի ղեկավար Մամուդ Աբասը վստահություն է հայտնել երկրի նոր կառավարությանը Ամերիաբանկը 2024-ի լավագույն բանկն է ՀՀ-ում, ըստ Global Finance-ի «Հայաստանի լավագույն բանկը» մրցանակին Ամերիաբանկն արժանանում է 10-րդ անգամ Ապրիլի 1–ից առցանց անմաքս առևտրի շեմը 200,000 դրամից կդառնա 200 եվրո Սահմանվել է 200 եվրո (մոտ 84,000 դրամ) և 31 կգ արտոնության շեմը Ծանրամարտի 2027-ի աշխարհի առաջնությունը կանցկացվի Երևանում Սա աշխարհի առաջին առաջնությունն է օլիմպիական մարզաձևից, որը կանցկացվի Հայաստանում |