Ցուցարարները 2 նամակ են հանձնել ՀՀ-ում ՄԱԿ-ի գրասենյակ13 դեկտեմբերի 2022 - 17:58 AMT PanARMENIAN.Net - Լաչինի միջանցքը բացելու պահանջով Հայաստանում ՄԱԿ-ի գրասենյակի առջև բողոքի ակցիայի մասնակիցները 2 նամակ են հանձնել կազմակերպության ներկայացուցչին։ Դեկտեմբերի 12-ին` ժամը 10։30-ի սահմաններում, ադրբեջանական կողմը խախտելով 2020-ի նոյեմբերի 9-ի եռակողմ համաձայնագրի դրույթները, բնապահպանական պատճառաբանություններով փակել է Արցախն աշխարհին կապող կյանքի միակ ճանապարհը՝ ոտնահարելով քաղաքացիական բնակչության կենսական շահերն ու իրավունքները: Բողոքի ակցիային մասնակցում են ինչպես ՀՀ բնակիչները, այնպես էլ Արցախից տեղահանվածները։ Ընդդիմադիր «Հայաստան» խմբակցության պատգամավորները նույնպես ՄԱԿ-ի գրասենյակի առջև են։ Քանի որ երկու խումբ էր ակցիա իրականացնում, երկու նամակ են փոխանցել ՄԱԿ–ի գրասենյակ, գրում է Sputnik Արմենիան։ Նրանք իրենց նամակներում դիմում են միջազգային հանրությանը` կոչ անելով զերծ մնալ երկակի ստանդարտներից, դատապարտել Ադրբեջանի հակամարդկային վարքագիծն ու գործիքակազմ կիրառել` կանխելու Արցախում Ադրբեջանի կողմի էթնիկ զտման փորձերը։ Ակցիայի մասնակիցները շարժվել են դեպի Ֆրանսիայի դեսպանատուն։ ԱԺ «Հայաստան» խմբակցության պատգամավոր Իշխան Սաղաթելյանը ֆեյսբուքյան իր էջում, նշելով, որ արդեն 24 ժամից ավելի է, ինչ Արցախի 120,000 մեր հայրենակիցները շրջափակման մեջ են, կոչ էր արել 16։00-ին հավաքվել ՄԱԿ-ի ներկայացուցչության դիմաց։ Ցուցարարների մեկ այլ խումբ հավաքվել էր Ազատության հրապարակում՝ պահանջելով կանգնեցնել ցեղասպանությունն Արցախում։ Կարճ ելույթներից հետո նրանք ևս շարժվել էին շարժվեցին դեպի ՄԱԿ-ի գրասենյակ։ Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | Ալիև․ Սահմանազատումը մեր պայմաններով անցկացնելը մեր հերթական հաղթանակն է՝ 4 գյուղ ենք ստանում առանց մի կրակոցի Նա այդ մասին ասել է օկուպացված Շուշիում Սամվել Բաբայան․ Փաշինյանը վաղուց պետք է հրաժարական տար Բաբայանի խոսքով՝ գլոբալ, ռազմավարական պետք է որոշվի՝ ինչ ենք անում, որն է մեր նպատակը Համաշխարհային բանկը կաջակցի ՀՀ անտառների, ջրաճահճային տարածքների ու լանդշաֆտների վերականգնմանը Ծրագրի նպատակն է ընդլայնել կայուն կառավարման ներքո գտնվող տարածքները ՀՀ-ն ու Իսպանիան կգործակցեն սպորտի ոլորտում․ Հուշագիր է ստորագրվել Կողմերը կհամագործակցեն նաև մասնագետների, տեխնիկական անձնակազմի և փորձագետների փոխանակման շրջանակում |