Հայաստանցիների պատվերները սև ուրբաթի շրջանակում. Ռեկորդներ Amazon-ում և Globbing-ում 15 դեկտեմբերի 2022 - 17:08 AMT PanARMENIAN.Net - ԱՄՆ-ում սովորույթի համաձայն Երախտագիտության օրվան հաջորդող Սև ուրբաթը 2022-ին կայացավ նոյեմբերի 25-ին՝ սկիզբ դնելով ամանորյա զեղչերին։ Միացյալ Նահանգներում, վիճակագրության համաձայն, մարդիկ Սև ուրբաթին սկսում են պատրաստվել միջինում 5-6 շաբաթ առաջ: Այդ օրն ամեն տարի մոտ 135 մլն մարդ ամբողջ աշխարհում գնումներ է անում, ու տարեցտարի դրանց թիվն աճում է: Ընթացիկ տարին էլ բացառություն չէր․ օրինակ, Amazon-ում ռեկորդներ են եղել, կապված ամենամեծ զեղչերի թվի հետ։ Մեր երկրում ևս զեղչերի համաշխարհային օրը տարեցտարի ամրապնդում է իր դիրքերը, և հայաստանցիները ևս մեծ անհամբերությամբ են սպասում այդ օրվան, հատկապես՝ օնլայն գնումներ անելուն: Globbing-ի ներկայացուցչի խոսքով, օրինակ՝ այս տարի պատվերների թիվը ռեկորդային էր: Սև ուրբաթի շրջանում նախնական, մոտավոր հաշվարկներով կատարվել է 4.5 մլրդ դրամի գնում, ինչն ամբողջ Հայաստանում այդ օրն արված գնումների մոտ կեսի չափով է։ Globbing-ի՝ ԱՄՆ պահեստ ամեն օր 40 մեծ բեռնատար ապրանք է հասնում, իսկ զանգերի կենտրոնն օրական 12,000 զանգ է ստանում: Թվերն օր օրի աճում են, պատվերների մեջ էլ հետաքրքիր վիճակագրություն կա. այսպիսով, ըստ ընկերության՝ ամենաշատ գնված ապրանքների եռյակում են ամանորյա նվերները, հագուստն ու էլեկտրոնիկան: Բացի այդ, 2022-ի պատվերները տարբերվում են հաճախ հանդիպող ամենօրյա օգտագործման ապրանքներով և իրերով։ Հաշվի առնելով պատվերների աճը, այդ ծավալները կառավարելու կարիքը ևս մեծանում է: Ընկերության ներկայացուցչի խոսքով՝ թե սպասարկման ոլորտի աշխատակիցները, թե պահեստն աշխատում են էքստրա ռեժիմով, ծանրոցների գրանցումն ու մշակումն էլ պահեստներում կատարվում է 48 ժամում: Խոսելով գերլարվածության մասին, ընկերությունից նշում են՝ միայն Սև ուրբաթի օրերին Globbing-ի միջոցով կատարվել է 280,000-ից ավելի գնում, որից 100,000-ը՝ Հայաստանից։   Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով   Ամենաընթերցվողը բաժնում |  Վերջին լուրեր Թորոսյան. Ուզում են առանց ընտրությունների իշխանություն վերցնել  Նա նշել է նաև, որ խոսքի և հավաքների ազատության իրավունքը կարող է իրացվել նաև ընդդեմ իշխանություններիՀայտարարություն․ Բագրատ սրբազանը ներկայացված է միայն Facebook-ում և բացառապես իր անձնական էջով Նշվում է, որ նրա անունից բացվող որևէ էջ կապ չունի ոչ շարժման, ոչ էլ սրբազանի հետՄիրզոյանը պաշտոնական այցով կայցելի Հունգարիա Նա հանդիպումներ կունենա Հունգարիայի բարձրաստիճան պաշտոնյաների հետԳասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել |
