Արցախի պետնախարար Ռուբեն Վարդանյանը դեկտեմբերի 16-ի երեկոյան իր ֆեյսբուքյան ուղիղ եթերում հայտարարել է, որ Ստեփանակերտում դեկտեմբերի 17-ին նախատեսված հանրահավաքը հետաձգվում է։
Նա հայտնել է, որ դեկտեմբերի 17-ին կայցելեն Մարտակերտ, հետո կլինեն Մարտունիում և Ասկերանում և հետո միայն պարզ կլինի, թե ինչ ձևով կկազմակերպվի Ստեփանակերտի հանրահավաքը։
«Ոուզում ենք, որ Ստեփանակերտում կայանալիք հանրահավաքը դառնա այն հանրահավաքների մեկը, որ եղել են 90-ականների սկզբին։ Երկար քննարկումներից հետո՝ քաղաքական ուժերի, նախագահի հետ, փորձեցինք գտնել բանաձևը, որը թույլ կտա անել այդ հանրահավաքը։ Որոշեցինք վաղը գնալ Մարտակերտ, որտեղ ժամը 15․00-ին հանդիպում կունենանք մարդկանց հետ։ Հաջորդ օրը կգնանք Մարտունի,հետո Ասկերան, որից հետո պարզ կլինեն մեր ծրագրերը»,- ասել է Վարդանյանը։
Դեկտեմբերի 17-ի առավոտվա եթերում նա տեղեկացրել է, որ ճանապարհը մնում է շրջափակված, ընդհանուր առմամբ վիաճկն Արցախում նորմալ է։
«Շարունակվում է կյանքը, աշխատում ենք, չնայած դժվարություններին, գնում ենք առաջ»,- ասել է նա։
Դեկտեմբերի 12-ին Lաչինի միջանցքի Շուշի-Քարին տակ խաչմերուկի հատվածում քաղաքացիական հագուստով մի խումբ ադրբեջանցիներ կրկին բնապահպանական պատճառաբանությամբ փակել են Արցախը Հայաստանին կապող Ստեփանակերտ-Գորիս մայրուղին: Դեկտեմբերի 13-ին Ադրբեջանը նաև փակել էր գազի մուտքը Լեռնային Ղարաբաղ, որի մատակարարումը վերականգնվել է դեկտեմբերի 16-ի առավոտյան։