  Բորելը Բայրամովի հետ հեռախոսազրույցում քննարկել է իրավիճակը Լաչինի միջանցքում 23 դեկտեմբերի 2022 - 13:24 AMT PanARMENIAN.Net - ԵՄ արտաքին գործերի գծով ներկայացուցիչ Ժոզեպ Բորելն Ադրբեջանի ԱԳ նախարար Ջեյհուն Բայրամովի հետ հեռախոսազրույցում քննարկել է իրավիճակը Լաչինի միջանցքում։ Բորելը մտահգություն է հայտնել տարածաշրջանում առկա լարվածության կապակցությամբ՝ կարևորելով խաղաղության օրակարգն Ադրբեջանի և ՀՀ միջև, գրում է Interfax.az-ն Ադրբեջանի ԱԳՆ հաղորդագրությանը հղումով։ Նշվում է, որ կողմերը քննարկել են նաև իրավիճակը տարածաշրջանում, Ադրբեջանի «քաղաքացիական հասարակության բողոքի ակցիայի պատճառները», ԵՄ առաքելությունը Հայաստանում, ինչպես նաև երկկողմ հարցեր։ Բայրամովն ասել է, թե ադրբեջանցիների ակցիան Լաչինի միջանցքում «օրինական է և կապված է հանքերի ապօրինի շահագործման և բնապահպանական խնդիրների հետ»։ Նա նաև նշել է, թե իբր ադրբեջանական կողմը չի արգելափակել ճանապարհը և «ոչ մի խոչընդոտ չկա, որ հայերն օգտվեն դրանից սննդամթերքի ներկրման կամ բուժծառայությունների նպատակով»։ Դեկտեմբերի 12-ին Լաչինի միջանցքի Շուշի-Քարին տակ խաչմերուկի հատվածում քաղաքացիական հագուստով մի խումբ ադրբեջանցիներ կրկին բնապահպանական պատճառաբանությամբ փակել են Արցախը Հայաստանին կապող Ստեփանակերտ-Գորիս մայրուղին: Դեկտեմբերի 13-ին Ադրբեջանը նաև փակել էր գազի մուտքը Լեռնային Ղարաբաղ, որի մատակարարումը վերականգնվել է դեկտեմբերի 16-ի առավոտյան։   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
