Ադրբեջանը բողոքի նոտա է հղել Փարիզին՝ խորը մտահոգությունը հայտնելով «Ֆրանսիայի տարբեր քաղաքական ուժերի կողմից Ադրբեջանի դեմ կողմնակալ և զրպարտիչ արշավի առթիվ, որը չի արժանանում ֆրանսիական կառավարության անհրաժեշտ հակազդեցությանը»։

Ֆրանսիայի տարբեր առանցքային կուսակցությունների քաղաքական առաջնորդներ, չնայած քաղաքական տարբերվող հայացքներին, համատեղ բաց նամակ են հրապարակել Ֆրանսիայում ամենամեծ լսարանն ունեցող «Մոնդ» (Le Monde) օրաթերթում՝ հայցելով Ֆրանսիայի նախագահի միջամտությունը՝ Արցախի և ՀՀ անվտանգությունը երաշխավորելու համար։

Նոտան դեկտեմբերի 28-ին փոխանցվել է Ադրբեջանում Ֆրանսիայի դեսպան Անն Բուայոնին, գրում է Haqqin.az-ը։

Ըստ Ադրբեջանի ԱԳՆ-ի, «Ադրբեջանի հասցեին այդ անհիմն մեղադրանքները ոչ այլ ինչ են, քան նկրտում Ադրբեջանի ինքնիշխանության և տարածքային ամբողջականության դեմ»։

Կուսակցությունների ղեկավարները բաց նամակում ոկչ են արել Ֆրանսիայի նախագահ Մակրոնին Դատապարտել Ադրբեջանին՝ միջազգային իրավունքի դրույթների խախտման, Հայաստանի Հանրապետության տարածքի մի մասի օկուպացիայի և պատերազմական ոճրագործությունների համար, Արցախում նախատեսել հումանիտար ներկայություն և Հայաստանին ցուցաբերել անհապաղ տնտեսական օգնություն, հանդիպել Արցախի ներկայացուցիչներին, Հայց ներկայացնել Միջազգային քրեական դատարան՝ ՄԱԿ-ի Անվտանգության խորհրդի կողմից միջազգային խաղաղապահ զորախումբ ուղարկելու հեռանկարով: