Նշանակումներ` նորաստեղծ ՆԳ նախարարությունում10 հունվարի 2023 - 14:01 AMT PanARMENIAN.Net - Նշանակումներ են կատարվել նորաստեղծ ներքին գործերի նախարարության պաշտոններում։ Վարչապետ Նիկոլ Փաշինյանը ստորագրել է որոշումները։ Արտակարգ իրավիճակների նախարարի տեղակալի պաշտոնից ազատված Դավիթ Համբարյանն ու արդարադատության նախարարի տեղակալի պաշտոնից ազատված Արփինե Սարգսյանը նշանակվել են ՆԳ փոխնախարարներ։ Մեկ այլ որոշմամբ, միգրացիոն ծառայության նախկին պետ Արմեն Ղազարյանը նշանակվել է Միգրացիայի և քաղաքացիության ծառայության պետ: Փրկարար ծառայության տնօրեն, ներքին գործերի նախարարի տեղակալ է նշանակել Կամո Ցուցուլյանը։ Մինչ այդ նա զբաղեցնում էր ՀՀ փոխոստիկանապետի պաշտոնը։ Արամ Հովհաննիսյանը նշանակվել է ոստիկանության պետ, ներքին գործերի նախարարի տեղակալ։ Մինչ այդ նա զբաղեցնում էր ոստիկանության պետի առաջին տեղակալի պաշտոնը։ Ավելի վաղ ՀՀ նախագահի հրմանագրով ոստիկանապետ Վահե Ղազարյանը նշանակվել է ներքին գործերի նախարար։ Վարչապետ Նիկոլ Փաշինյանը հունվարի 5-ի կառավարության նիստում հայտարարել էր, որ դե յուրե ՆԳ նախարարությունն արդեն ստեղծվել է, հիմա ընթանում են դե ֆակտո կազմավորման աշխատանքները։ Գործադիրի որոշմամբ ոստիկանությունը, Փրկարար ծառայությունը և Միգրացիայի ու քաղաքացիության ծառայությունն անցնում են Ներքին գործերի նախարարության ենթակայությանը։ Ոստիկանապետն ու ԱԻՆ Փրկարար ծառայության պետը լինելու են ՆԳ նախարարի տեղակալները, ևս 2 տեղակալ քաղաքացիական անձինք կլինեն, որոնք զբաղվելու են ոստիկանության և ՆԳՆ ռազմավարությունների մշակմամբ։ Ուշագրավ Բագրատ սրբազանը վաղ առավոտյան ուղևորվել է դեպի Կիրանց
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Ամենաընթերցվողը բաժնում | «Օրգանական գյուղատնտեսության զարգացման» 2024-2025թթ. անվճար ծրագիրը սկսվում է Ծրագրին կարող են դիմել այն տնտեսվարողները, ովքեր իրականացնում են օրգանական սննդի արտադրություն կամ պատրաստ են անցնել վերջինիս Բաքոյան․ Իշխանական պատգամավորները Կիրանցում անելիք չունեն, Բագրատ սրբազանի հետ հանդիպումը բացառում են Ըստ նրա՝ որևէ մեկի իրավունքը, ճանապարհ փակելով, չի խախտվում, ուղղակի չպետք է սադրել Ամերիաբանկի առևտրի ֆինանսավորման մրցանակների ցանկը համալրվել է ՎԶԵԲ-ի և ՄՖԿ-ի 4 հեղինակավոր մրցանակով Ամերիաբանկն առաջին հայկական բանկն է, որը 2013-ին ստացել է հաստատող բանկի կարգավիճակ ՎԶԵԲ-ի ծրագրի շրջանակում ԱՆ․ Կիրանցում կադաստրի կողմից գրանցումները կատարվել են ոչ ճշգրիտ տվյալների հիմքով Նշվում է, որ այդ գրանցումները չեն կարող իրավական հիմք հանդիսանալ |