Փոխնախարարը՝ Ryanair-ի մասին․ Ավիաընկերությունն է ընտրում` երբ և որ ուղղությամբ թռչել16 հունվարի 2023 - 15:58 AMT PanARMENIAN.Net - Տարածքային կառավարման և ենթակառուցվածքների նախարարի տեղակալ Արմեն Սիմոնյանն Ազգային ժողովում, պատասխանելով «Հայաստան» խմբակցության պատգամավոր Արթուր Խաչատրյանի Ryanair լոուքոսթերի մասին հարցին, ասել է, որ ամեն ավիաընկերություն ընտրում է՝ երբ և որ ուղղություններով թռիչքներ կատարել։ Խաչատրյանը նշել է, որ ՀՀ իշխանությունը ժամանակին մեծ շուքով նշեց Ryanair-ի մուտքը ՀՀ, որի թռիչքները դադարեցվեցին կորոնավիրուսի պատճառով, սակայն, մեկ տարուց ավելի է, ինչ կորոնավիրուս կարծես չկա, բայց Ryanair-ի վերաբերյալ նորություն չկա, գրում է «Առավոտը»։ «Այն ժամանակ չվերթեր սկսեցին Ryanair-ը և Wizz air-ը։ Վերջինս այս պահին շարունակում է չվերթերը։ Ամեն ավիաընկերություն ընտրում է՝ երբ և որ ուղղություններով թռիչքներ իրականացնել»,-ասել է փոխնախարարը։ Փոխնախարարը նաև հորդորել է Ryanair-ին հարցնել իր բիզնես գործունեության մասին։ Անդրադառնալով հայկական օդանավերի՝ ԵՄ մուտքի արգելքին, որը 2022-ին երկարաձգվեց՝ Արմեն Սիմոնյանն ասել է, որ հայկական ավիաընկերություններից FlyOne-ը չվերթեր իրականացվում է դեպի ԵՄ երկրներ, իսկ ինչ վերաբերում է արգելքին, ՀՀ ժամանած միջազգային գործընկերներն առաջընթաց էին գրանցել նախկինում հայտնաբերված թերությունների վերացման ուղղությամբ։ «Մենք ԵՄ-ի հետ կնքել ենք ընդհանուր ավիացիոն գոտու մասին համաձայնագիրը, որը վավերացվեց դեկտեմբերին։ Դրանով եվրոպական շատ նորմեր կներդրվեն ՀՀ օրենսդրությունում։ Կտևի մոտ 2 տարի։ Չափանիշների համապատասխանեցումը և ՀՀ-ի դուրսբերումը ավիացիոն իշխանությունների սև ցուցակից տեղի կունենա այս ժամկետում»,-ասել է փոխնախարարը։ Խաչատրյանը հակադարձել է, որ FlyOne-ը մոլդովական գրանցում ունի և դա է պատճառը, որ այդ ավիաընկերությունը կարողանում է թռնել ԵՄ երկրներ։ «Ինչ վերաբերում է գրանցմանը, կրկնեմ, որ դեպի ԵՄ երկրներ թռնող հայկական ավիաընկերություններ քաղաքացիների տեսանկյունից գոյություն ունեն։ Իսկ այն, որ գտնվում են սև ցուցակում, դա ոչ այնքան ավիաընկերություններին է վերաբերում, որքան դրանցում ստուգումների գործընթացին, որպեսզի համապատասխանեն միջազգային չափանիշներին։ Հայտնաբերված թերությունները ԵՄ մասնագետներին թույլ են տվել նման որոշում կայացնել։ Հիսունի կարգի մանր տեխնիկական եւ խոշոր թերություններ են եղել, որոնցից 27-ին այս պահին շտկվել են»,-ասել է փոխնախարարը։ 2022-ին ՀՀ օդանավակայաններից մեկնած ու ժամանած ուղևորների թիվը եղել է աննախադեպ՝ 3 միլիոն 697 հազար 539 է։ Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Լաքոտ. Եկեք լինենք ճշմարտության և արդարության կողմից Նա նշել է, որ Ապրիլի 24-ը Հայոց ցեղասպանության հիշատակի օրն է Աֆեյան․ Պետք է ավելին անենք, քան անցյալի ջարդերի ցավը սգալը՝ ժամանակն է քայլեր ձեռնարկել Քայլեր ձեռնարկելու կոչն ընդգծում է վայրագությունների նմանությունները, որոնք տեղի են ունեցել 109 տարի առաջ և կրկնվում են այսօր. Փայլան. Ապրում ենք այնպիսի Թուրքիայում, ինչպիսին կլիներ Գերմանիան, եթե այնտեղ լինեին Հիտլերի անունով փողոցներ ու դպրոցներ Նա նաև հարգանքի տուրք է մատուցել այն եզակի պաշտոնյաներին, որոնք չեն կատարել ցեղասպանության վերաբերյալ որոշումը Բելգիայի ԱԳ նախարարը Բրյուսելում մասնակցել է Ցեղասպանության զոհերի հիշատակին նվիրված մոմավառությանը Նա կարևորել է Հայաստանի և հայ ժողովրդի՝ մասնավորապես Բելգիայի հայ համայնքի հետ բարեկամական հարաբերությունները |