ԵՄ-ն 2 տարով քաղաքացիական նոր առաքելություն կգործուղի ՀՀ23 հունվարի 2023 - 17:40 AMT PanARMENIAN.Net - ԵՄ ԱԳ նախարարները հաստատել են քաղաքացիական նոր առաքելության գործուղումը Հայաստան 2 տարով, որը կոչված է «նպաստելու կարգավորմանը Կովկասում»։ Այդ մասին ասվում է ԵՄ խորհրդի հայտարարության մեջ։ «ԵՄ Խորհուրդը (ԱԳ նախարարների մակարդակով) համաձայնեցրել է Հայաստանում ԵՄ քաղաքացիական առաքելության ստեղծումը (EUMA)։ Առաքելության խնդիրն է լինելու վստահության բարձրացումը ՀՀ սահմանամերձ շրջաններում և Հայաստանի և Ադրբեջանի միջև հարաբերությունների կարգավորման ջանքերին նպաստող միջավայրի ստեղծումը»,-ասվում է հայտարարության մեջ։ Առաքելության օպերատիվ շտաբը լինելու է Հայաստանում: Քաղաքացիական գործողությունների հրամանատարը լինելու է Ստեֆանո Թոմաթը՝ Քաղաքացիական պլանավորման և վարման կարողությունների EEAS-ի կառավարիչ տնօրենը: Առաջիկայում նշանակվելու է նաև տեղում գործողությունները ղեկավարող առաքելության ղեկավար։ ԵՄ արտաքին քաղաքականության ղեկավար Ժոզեպ Բորելն ասել է․ «Հայաստանում ԵՄ առաքելության ստեղծումը Հարավային Կովկասում ԵՄ ներգրավվածության նոր փուլ է մեկնարկում։ ԵՄ-ն կշարունակի աջակցել ապասրացման ջանքերին և սերտորեն համագործակցելու երկու կողմերի հետ՝ տարածաշրջանում կայուն խաղաղության վերջնական նպատակին հասնելու համար»։ Նշվում է, որ ի պատասխան Հայաստանի հարցման EUMA-ն պարեկություն կիրականացնի և զեկույցներ կներկայացնի իրավիճակի վերաբերյալ, ինչը կամրապնդի ԵՄ-ի ընկալումը տեղում իրավիճակի վերաբերյալ։ Առաքելությունը նաև նպաստելու է միջնորդական ջանքերին Եվրոպական խորհրդի նախագահ Շառլ Միշելի գլխավորած գործընթացի շրջանակում։ Եվրամիության դիտորդները, թվով 40 հոգի, որոնց ժամանակավոր առաքելությունը հոկտեմբերի 17-ին տեղակայվել էր Ադրբեջանի հետ սահմանի հայկական կողմի երկայնքով՝ իրավիճակը դիտարկելու, վերլուծելու և զեկուցելու նպատակով, ժամանակավոր էր և ավարտել է գործունեությունը դեկտեմբերի 20-ին։ Photo. AP Ուշագրավ Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը
«Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա ՀՀ և Ադրբեջանի միջև խաղաղ բանակցություններին և կարգավորմանը վերաբերող հարցերը չեն քննարկվելու «Այն անպայման կցուցադրվի, սակայն պարզ չէ, թե երբ»,–ասել է Սեիդովը Ամենաընթերցվողը բաժնում | Մինչև 10% քեշբեք GetTransfer-ից՝ IDBank-ի քարտերով Քեշբեքի չափը կախված է IDBank-ի քարտից ftNFT ֆիջիթալ սփեյսում քննարկվել է AKNEYE-ի հետ գործակցությունը և մտավոր սեփականության իրավունքը Ետալեանը ներկաներին պատմել է AKNEYE-ի հետ գործակցության սեփական փորձի մասին Հանձնաժողովները քարտեզի վրա վերարտադրել են գյուղերի միջև ԽՍՀՄ ժամանակներում եղած սահմանները Նշվում է, որ Ադրբեջանի սահմանապահներն ավելի են մոտենալու Կիրանցին և Ոսկեպարին, «բայց նրանց բաժանելու է սահմանազատված պետական սահման» Հայաստանն ու Ադրբեջանը նախնական համաձայնեցրել են սահմանագծի առանձին հատվածները Կողմերը պայմանավորվածություն են ձեռք բերել, որ սահմանազատման գործընթացում կառաջնորդվեն Ալմաթիի 1991թ. հռչակագրով |