Դեսպան․ Իրանի ղեկավարությունն իմաստուն է՝ չի ենթարկվում որոշ փոքր պետությունների սադրանքներին 9 փետրվարի 2023 - 18:12 AMT PanARMENIAN.Net - ՀՀ–ում Իրանի դեսպան Աբբաս Բադախշան Զոհուրին լրագրողների հետ զրույցում ասել է, որ Իրանի ղեկավարությունն իմաստուն է և չի ենթարկվում որոշ փոքր պետությունների տարատեսակ սադրանքներին։ Դիվանագետին խնդրել են մեկնաբանել ադրբեջանական մամուլում հայտնված հաղորդագրություններն այն մասին, թե Հայաստանն ու Իրանը իբր պատրաստվում հարձակվել Լաչինի (Բերձոր. խմբ.) և Կուբաթլուի (Սանասար. խմբ.) ուղղությամբ, հայտնում է Sputnik Արմենիան։ ՀՀ պաշտպանության նախարարությունն ու ազգային անվտանգության ծառայությունն արդեն հերքել են այդ լուրը և սուտ որակել այն: Դիվանագիտական առաքելության ղեկավարն ընդգծել է, որ Հայաստանն ու Իրանը սերտորեն համագործակցում են բոլոր ուղղություններով, և եթե կան ոլորտներ, որտեղ փոխգործակցությունը չպետք է բացահայտվի, ուրեմն այդպես է պետք։ «Իրանը կարող է փոքր ապտակ տալ այն փոքր երկրներին, որոնք փորձում են իր համար խնդիրներ ստեղծել։ Բայց Իրանի իշխանությունները նախընտրում են գործել ոչ հույզերի ազդեցության տակ։ Նրանք բավականին իմաստուն են և զուսպ իրենց գործողություններում»,– ասել է Զոհուրին։ Նրա խոսքով` իրանական կողմը երբեք չի ցանկացել և այժմ էլ չի ցանկանում տարածաշրջանում լարվածություն ստեղծել։ Դեսպանը ԶԼՄ-ներին հորդորել է զերծ մնալ այնպիսի վերնագրերից ու հոդվածներից, որոնք կարող են լրացուցիչ լարվածություն առաջացնել։ «Ինչ վերաբերում է ռազմական իրավիճակին, ապա վստահեցնում եմ ձեզ, որ Իրանն ուշադիր հետևում է բոլոր սահմանային իրողություններին»,– նշել է դեսպանը։ Տարածաշրջանում Իրանի քաղաքականությունը հանգում է նրան, որ նպաստի կայունությանը և չվնասի։ Դիվանագետն ընդգծել է չպետք է թույլ տալ, որ հակառակորդները խաղ նախաձեռնեն, պետք է հենց իրենք սկսեն և վարեն։ Նա հավելել է, որ Իրանի և Հայաստանի հակառակորդները ցանկանում են քաոս մտցնել և շեղել 2 երկրների ղեկավարությունների ուշադրությունը, և որ այդ փորձերին առավել արդյունավետ հակազդելը Հայաստանի և Իրանի համակարգված գործողություններն են, այդ թվում տեղեկությունների մշտական փոխանակումը։ Ուշագրավ Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Ամենաընթերցվողը բաժնում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |