2022-ին Հայաստանում արտադրված մոտ 13 մլն լիտր գինու 30 տոկոսն արտահանվել է, 2021-ին արձանագրված ցուցանիշը գերազանցելով 51 տոկոսով։

Մոսկվայում կայացած «ՊրոդԷքսպո» սննդի և խմիչքների ցուցահանդեսին հայկական 21 ընկերություն է մասնակցել: Հայ արտադրողներն արտասահմանցի գինեսերներին ներկայացել են միասնական՝ ազգային տաղավարով, այցելուների համար բացահայտել հայկական ավելի քան 150 տեսակ գինի, հայտնում է Կառավարության մամուլի ծառայությունը։

Հայկական գինիների մասնակցությունը «ՊրոդԷքսպոյին» Հայաստանի խաղողագործության և գինեգործության հիմնադրամը կազմակերպում է 5-րդ անգամ։ Ցուցահանդեսին մասնակցության արդյունքում հայ արտադրողները մշտապես ձեռք են բերում նոր գործընկերներ և կնքում արտահանման նոր պայմանագրեր։

«ՊրոդԷքսպոն» սննդարդյունաբերության և ալկոհոլային խմիչքների ամենամեծ միջազգային ցուցահանդեսն է Ռուսաստանում և Արևելյան Եվրոպայում։