Երևանում փողոցներ կանվանակոչվեն կինոռեժիսոր Հենրիկ Մալյանի, դերասան Սոս Սարգսյանի, գրող Հրանտ Մաթևոսյանի, ինչպես նաև մշակույթի այլ գորիչների անուններով։ Հարցը քննարկվելու է Երևանի ավագանու մարտի 15-ի նիստում։

Նախագիծը ներկայացրել է Երևանի քաղաքապետ Հրաչյա Սարգսյանը։

Ըստ նախագծի, Արաբկիրի 45-րդ փողոցը կանվանակոչվի կինոռեժիսոր, սցենարիստ, ՀԽՍՀ և ԽՍՀՄ ժողովրդական արտիստ Հենրիկ Մալյանի անունով, իսկ 47-րդ փողոցը՝ թատրոնի և կինոյի հայ անվանի դերասան, ԽՍՀՄ ժողովրդական արտիստ Սոս Սարգսյանի անունով»:

Դավթաշենի 2-րդ փողոցը կանվանակոչվի հայ արձակագիր Հրանտ Մաթևոսյանի անունով։

Նորք-Մարաշ վարչական շրջանի Նորքի 8-րդ փողոցը կանվանակոչվի գեղանկարիչ, ՀԽՍՀ ժողովրդական նկարիչ Էդուարդ Իսաբեկյանի, իսկ Ներքին Շենգավիթի 12-րդ փողոցը՝ կինոյի, հեռուստատեսության և թատրոնի դերասան Արմեն Խոստիկյանի անունով։