Առաջարկ. «Զվարթնոց» օդանավակայանն անվանակոչել Ազնավուրի անունով15 մարտի 2023 - 16:46 AMT PanARMENIAN.Net - ԱԺ պատգամավոր Արսեն Թորոսյանն առաջարկում է «Զվարթնոց» օդանավակայանն անվանակոչել մեծանուն հայ շանսոնյե Շառլ Ազնավուրի անունով։ Այդ մասին նա գրել է ֆեյսբուքյան իր էջում՝ հիշեցնելով, որ 2024 թվականին լրանում է աշխարհահռչակ երգչի 100-ամյակը: «Երևանի ավագանու որոշմամբ` մայրաքաղաքի Ֆրանսիայի հրապարակում կտեղադրվի Շառլ Ազնավուրի հուշարձանը։ Սա շատ կարևոր և ճիշտ որոշում է: Հաշվի առնելով Շառլ Ազնավուրի անուրանալի և անգնահատելի դերը հայ ժողովրդին և Հայաստանի Հանրապետությանը ցուցաբերած երկարամյա օգնության մեջ, նրա կողմից հայ ժողովրդի ազգային և Հայաստանի Հանրապետության պետական շահերին անձնվեր ծառայելը, ինչպես նաև այն հանգամանքը, որ նա կարող է հավակնել 20-րդ դարի ամենահայտնի հայի տիտղոսին, կարծում եմ պետք է քննարկման առարկա դարձնել և որոշում կայացնել Երևանի Զվարթնոց միջազգային օդանավակայանը Շառլ Ազնավուրի անունով անվանակոչելու վերաբերյալ (օր. Շառլ Ազնավուրի անվան Երևանի Զվարթնոց միջազգային օդանավակայան, անգլերեն` Yerevan Charles Aznavour Zvartnots International Airport կամ Yerevan Zvartnots International Airport Charles Aznavour)»,-ասվում է գրառման մեջ։ Մարտի 15-ին Երևանի ավագանու նիստում հայտարարվեց, որ Ազնավուրի ծննդյան 100-ամյակի առթիվ Ֆրանսիայի հրապարակում կտեղադրվի երգչի արձանը։ Ազնավուրի արձան տեղադրվելու է նաև Փարիզում։ «Զվարթնոց» օդանավակայանը Շառլ Ազնավուրի անվամբ անվանակոչելու առաջարկություններ հնչում են 2018-ից՝ այդ ժամանակ մշակույթի նախարարությունը հարցը դրել էր հանրային քննարկման։ 2020-ին նման առաջարկով կառավարությանն էր դիմել Ազնավուր հիմնադրամը և հայազգի մեծանուն գործիչի որդին՝ Նիկոլա Ազնավուրը։ Ուշագրավ Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Ամենաընթերցվողը բաժնում | ԱՄՆ փոխնախագահ․ Երբեք չենք մոռանա Հայոց ցեղասպանությունը Նա նշել է, որ 1․5 մլն հայ ենթարկվել է բռնագաղթի, սպանվել է և մահվան երթի զոհ դարձել Հայաստանի և Ադրբեջանի սահմանին տեղադրվել է սահմանային 20 սյուն Նշվում է, որ սյուները տեղադրվել են կոորդինատների ճշգրտման աշխատանքների շրջանակներում Ատալ․ Ֆրանսիան վերահաստատում է իր աջակցությունը ՀՀ-ին Վարչապետը ելույթ է ունեցել Հայոց ցեղասպանության 109-րդ տարելիցի կապակցությամբ անցկացված հիշատակի միջոցառմանը Հնդկաստանի ԱԳՆ–ն՝ Բաքվին․ Խթանում ենք ռազմարդյունաբերական արտադրանքի արտահանումը Նա նշել է, որ իր երկիրը լավ հարաբերություններ ունի և Ադրբեջանի, և ՀՀ հետ |