Դատախազությունը պահանջում է Հովիկ Աբրահամյանից և փոխկապակցված անձանցից 59 անշարժ գույք բռնագանձել 17 մարտի 2023 - 15:46 AMT PanARMENIAN.Net - Գլխավոր դատախազության ապօրինի ծագում ունեցող գույքի բռնագանձման գործերով վարչությունը պահանջ է ներկայացրել դատարանին ՀՀ տարածքային կառավարման նախկին նախարար, ԱԺ նախկին նախագահ, ՀՀ նախկին վարչապետ Հովիկ Աբրահամյանից, նրա կնոջից՝ Ջ.Ա.-ից, որդուց, դստրերից, իրեն փոխկապակցված այլ անձանցից (աշխատակիցներ, ազգականներ և նրանց ամուսիններ) հօգուտ ՀՀ-ի 59 անշարժ գույք բռնագանձել։ Այդ գույքից 15-ը՝ Երևանում, մեծամասամբ Կենտրոն վարչական շրջանում, 12-ն Արարատի մարզի Մխչյան համայնքում, 10-ը՝ Նարեկ համայնքում, 2-ը՝ Արզականում, 6-ը՝ Ծաղկաձորում, 1-ը՝ Ջերմուկում, 1-ը՝ Սևանում, 6-ը՝ Դիլիջանում, 3-ը՝ Մեղրաձորում, 1-ը՝ Մարմարաշենում, 1-ը՝ Այնթապում, 1-ը՝ Արևաբույրում։ Առաջարկվում է բռնագանձել նաև 4 ավտոմեքենա, 20 ընկերության մասնակցություն և բաժնետոմս, շուկայականից էականորեն ցածր արժեքով օտարված 9 գույքի շուկայական արժեքներ՝ ընդհանուր՝ 1 մլրդ 628 մլն 277 հազար 90 դրամ, ընկերություններին տրված փոխառություններից ծագող պահանջի իրավունք՝ 11 մլն 292 հազար 570 ԱՄՆ դոլարի, 687 մլն 500 դրամի և 3 մլն 117 հազար 680 եվրոյի չափով, 21 մլրդ 202 մլն 67 հազար 797 դրամ՝ որպես ապօրինի եկամտի մնացորդի և օրինական եկամուտներով չհիմնավորվող, բարեխիղճ երրորդ անձանց փոխանցված կամ չնույնականացված դրամի հանրագումար: Հակակոռուպցիոն կոմիտեն վարույթ է ընդունել գործը։ Մեկ հայցադիմումով Գլխավոր դատախազության ապօրինի ծագում ունեցող գույքի բռնագանձման գործերով վարչությունը պահանջ է ներկայացրել դատարանին՝ «Հյուսիս-Հարավ ճանապարհային միջանց» ծրագրի «Տրանշ 1» և «Տրանշ 2» հատվածների կապալառու իսպանական «Կորսան Կորվիամ Կոնստրուկցիոն» ընկերության հայաստանյան մասնաճյուղի ենթակապալառու «Պոլի-Տրանսպորտ» ՍՊ ընկերության բաժնետեր Գ.Վ.-ից հօգուտ Հայաստանի Հանրապետության որպես ապօրինի ծագում ունեցող գույք բռնագանձել՝ -Երևանի Աջափնյակ համայնքի Վահագնի թաղամասի Ն. Շնորհալի փողոցում գտնվող բնակելի տունը, 2 տրանսպորտային միջոց, 3 իրավաբանական անձանցում մասնակցություն, իսկ անհնարինության դեպքում՝ դրանց միջին շուկայական արժեքը, որն ընդհանուր կազմում է ավելի քան 163 միլիոն դրամ. -33 միլիոն դրամ՝ որպես ապօրինի եկամտի մնացորդի և օրինական եկամուտներով չհիմնավորվող, բարեխիղճ երրորդ անձանց փոխանցված դրամի հանրագումար:   Ուշագրավ «Ընտրովի արդարադատությունը ամենազազրելին է, որ գործում է Նիկոլ Փաշինյանի իշխանության օրոք»,-գրել է նա Նա կոչ է արել հետևել պաշտոնական տեղեկատվությանը Խաչատրյանը նշել է, որ նման տեղեկություն չունի Թուրքիան փակել է իր օդային տարածքը հայկական ավիաընկերությունների ինքնաթիռների համար, որոնք թռչում են երրորդ երկրներ   |  Վերջին լուրեր Այսուհետ նոր ավտոբուսները 25 րոպեն մեկ կերթևեկեն Երևանի կենտրոնից «Զվարթնոց» օդանավակայան  Ավտոբուսի արժեքը 300 դրամԿենտրոնում որոշ փողոցներ փակ կլինեն․ Երևանի գինու օրերն են Փողոցները փակ կլինեն հունիսի 2-ի ժամը 00:00-ից մինչև հունիսի 5-ը՝ ժամը 02:00-ն16 տարեկաններն անձնագիր ստանալիս կվճարեն 1000 դրամ․ Արտոնությունը կհանվի Նախագիծը պետք է հաստատվի Ազգային ժողովումԴիլիջանի ՆԳՆ քրեականի պետը ներողություն է խնդրել մատուցողից, զղջացել, խնդրել քրհետապնդում չհարուցել. Բավարարվել է Նշվում է, որ արարքը համարվում է ոչ մեծ ծանրության հանցավոր արարք |
