Բայրամով․ ՀՀ հետ կարգավորումը պետք է հիմնված լինի տարածքային ամբողջականության և ինքնիշխանության ճանաչման վրա

Բայրամով․ ՀՀ հետ կարգավորումը պետք է հիմնված լինի տարածքային ամբողջականության և ինքնիշխանության ճանաչման վրա

PanARMENIAN.Net - Ադրբեջանի ԱԳ նախարար Ջեյհուն Բայրամովը Իսրայելի արտգործնախարար Էլի Քոենի հետ համատեղ ասուլիսի ժամանակ ասել է, որ Հայաստանի հետ կարգավորումը պետք է հիմնված լինի տարածքային ամբողջականության և ինքնիշխանության փոխադարձ ճանաչման վրա, հայտնում է APA-ն։

Նա ասել է, թե Ադրբեջանն առաջ է մղում խաղաղության օրակարգը, սակայն «Հայաստանը սպառնում է ագրեսիվ հռետորաբանությամբ»։

Քոենն իր հերթին ասել է, որ Իսրայելը շահագրգռված է զարգացնելու բազմակողմ գործակցությունն Ադրբեջանի հետ, ինչպես նաև պատրաստ է զարգացնել քաղերկխոսությունը թե երկկողմ, թե միջազգային և տարածաշրջանային հարցերի լայն օրակարգով։

Ադրբեջանի նախագահ Իլհամ Ալիևը մարտի 18-ին օկուպացված Թալիշում ունեցած ելույթում ասել է, թե Հայաստանը պետք է ընդունի Ադրբեջանի պայմանները և համաձայնվի Ադրբեջանի պայմաններով դելիմիտացիա իրականացնել, հակառակ դեպքում՝ ոչ մի խաղաղության պայմանագիր չի լինելու, ինչպես նաև պետք է ճամաչի ԼՂ-ն որպես Ադրբեջանի մաս: «Ոչ մի խաղաղության պայմանագիր չի լինելու»,-ասել է նա։

 Ուշագրավ
Նա նաև ասել է, որ տարածաշրջանային անվտանգությունը պետք է ապահովեն տարածաշրջանի երկրները
Նա հավելել է, որ թուրքական կողմն ավարտել է Նախիջևանի և Կարսի միջև 224 կմ երկարությամբ երկաթուղային գծի կառուցումը
Փետրվարի 1-ին Միջազգային քրեական դատարանը իրավասություն է ստանալու հետաքննել Ալիևի գործողությունները
Նա նշել է, որ դիտարկում է հայկական բանակին «ոչ մահաբեր ձևաչափով» աջակցություն ցուցաբերելու հնարավորությունը, բայց կոնկրետ որոշումներ չկան
---