Ադրբեջանում Իրանի դեսպանատան 4 աշխատակից կարտաքսվի՝ նրանք հայտարարվել են «անցանկալի անձինք»։

Բաքվում Իրանի դեսպան Սեյեդ Աբբաս Մուսավիին կանչել են Ադրբեջանի ԱԳՆ և դժգոհություն հայտնել վերջին շրջանում Ադրբեջանի հանդեպ «Թեհրանի սադրիչ գործունեության կապակցությամբ», հայտնում է Haqqin.az-ը։

Դեսպանին տեղեկացրել են նաև, որ Իրանի դեսպանատան 4 աշխատակից պետք է լքի Ադրբեջանը 48 ժամվա ընթացքում։ Նրանք «անցանկալի անձ են» հայտարարվել «դիվանագիտական կարգավիճակին և Վիեննայի կոնվենցիային հակասող գործունեության համար»։

Վերջին օրերին Բաքվում ձերբակալություններ են եղել՝ «Իրանի օգտին լրտեսության մեղադրանքով»։ Իրանում Ադրբեջանի դեսպանատունը չի գործում՝ աշխատակիցներից մեկի սպանությունից հետո։