ՌԴ խաղաղապահները հրադադարի 2 խախտում են գրանցել
Արցախում տեղակայված ռուս խաղաղապահները հրադադարի 2 խախտում են գրանցել Մարտակերտի և Ասկերանի շրջաններում։ Տուժածներ չկան, հայտնում է ՌԴ ՊՆ-ն իր տեղեկագրում։
Հրադադարի խախտման փաստերով ռուսական խաղաղապահ զորախմբի հրամանատարությունը համատեղ քննություն է անցկացնում ադրբեջանական և հայկական կողմերի հետ։
Խաղաղապահները պարեկություն են իրականացրել 3 երթուղով՝ Մարտակերտի, Մարտունու և Շուշիի շրջաններում։
Ռուս խաղաղապահ զորակազմն ապահովել է հումանիտար բեռով ավտոշարասյան անցումը Գորիս-Ստեփանակերտ երթուղով։
