«Քաղաքացիական պայմանագիր» խմբակցության պատգամավոր Բաբկեն Թունյանն Ազգային ժողովում, արձագանքելով «Հայաստան» խմբակցության պատգամավոր Գեղամ Մանուկյանի դիտարկմանը, ԱԺ ընդդիմությանն առաջարկել է իրենց հետ մեկնել Թուրքիա։
Մանուկյանը հարցրել էր, թե ինչու է Թուրքիայի հետ բանակցող ԱԺ փոխնախագահ Ռուբեն Ռուբինյանն ԱԳՆ պատվիրակության կազմում գնում Ադրբեջանի հետ բանակցությունների՝ դրանով իսկ շաղկապելով Ադրբեջանի և Թուրքիայի հետ բանակցությունները։
«Վաղը չէ մյուս օրը մենք Սևծովյան պատվիրակության անդամներով մեկնում ենք Անկարա, որտեղ բավականին բարդ օրակարգ է մեզ սպասվում: Ինչո՞ւ չեք գալիս, գայիք, ձեր բոլոր մտահոգությունների մասին բարձրաձայնեիք», - ասել է Թունյանը:
Մայիսի 4-ին կանցկացվի Սևծովյան տնտեսական համագործակցության խորհրդարանական վեհաժողովը։ Ազգային ժողովի նախագահի տեղակալ Ռուբեն Ռուբինյանը ապրիլի 29-ից մայիսի 5-ը ԱԳ նախարարի գլխավորած պատվիրակության կազմում կգտնվի ԱՄՆ-ում։ ։