Ալեն Սիմոնյանի գլխավորած պատվիրակությունը կմեկնի Թուրքիա․ Մուտքն արտոնել են

Ալեն Սիմոնյանի գլխավորած պատվիրակությունը կմեկնի Թուրքիա․ Մուտքն արտոնել են

PanARMENIAN.Net - ՀՀ ԱԺ նախագահ Ալեն Սիմոնյանի գլխավորած պատվիրակությունը մեկնում է Թուրքիա՝ մասնակցելու Սևծովյան տնտեսական համագործակցության խորհրդարանական վեհաժողովի հիմնադրման 30-ամյակին նվիրված գագաթնաժողովին, որին մասնակցելու են անդամ պետությունների խորհրդարանների ղեկավարները, նաև Գլխավոր վեհաժողովի լիագումար նիստ է կայանալու:

ԱԺ նախագահի մամուլի խոսնակ Ծովինար Խաչատրյանը չի մեկնաբանել, թե արդյոք կառավարական ինքնաթիռով են մեկնելու, հայտնում է Aysor.am-ը։

«ԱԺ նախագահն այնտեղ ելույթ է ունենալու՝ անդրադառնալով այս պահին ՀՀ-ում իրավիճակին: Նախատեսված է նաև հանդիպում Թուրքիայի Ազգային մեծ ժողովի նախագահ Մուստաֆա Շենթոփի հետ»,-ասել է Խաչատրյանը։

Թուրքիայի ԱԳ նախարար Մևլութ Չավուշօղլուն, որը հայտարարել է, որ Թուրքիան փակել է իր օդային տարածքը հայկական ավիաընկերությունների ինքնաթիռների համար, ասել է, որ Հայաստանի Ազգային ժողովի նախագահին թույլ է տրվել օգտվել Թուրքիայի օդային տարածքից, որովհետև Ալեն Սիմոնյանը մասնակցելու է Սևծովյան տնտեսական համագործակցության կազմակերպության Խորհրդարանական վեհաժողովի նիստին, և սա միջազգային իրադարձություն է, գրում է «Ազատությունը»։

Ավելի վաղ հայտնի դարձավ, որ Թուրքիան փակել է իր օդային տարածքը հայկական ավիաընկերությունների ինքնաթիռների համար, որոնք թռչում են երրորդ երկրներ։ Այդ մասին հայտարարել է այդ երկրի ԱԳ նախարար Մևլութ Չավուշօղլուն՝ որպես պատճառ նշելով Երևանում «Նեմեսիս» գործողության մասնակիցների հիշատակը հավերժացնող հուշարձանի տեղադրումը:

Աղբյուր-հուշակոթողը տեղադրվել է ապրիլի 25-ին Երևանի ավագանու որոշմամբ։ Բացմանը մասնակցել և ելույթ է ունեցել Երևանի փոխքաղաքապետ Տիգրան Ավինյանը։

 Ուշագրավ
Նա նշել է, որ այժմ միայն ինստիտուցիոնալ բարեփոխումներ և բովանդակային աշխատանք պետք է արվի
Նա նշել է, որ երկրների միջև ռազմատեխնիկական համագործակցությունը երկար ավանդույթ ունի
Նա չկար ՀՀ վերադարձած հայ գերիների թվում, թեև ավելի վաղ Ադրբեջանում հրապարակած ցուցակում նրա անունն ընդգրկված էր
Փաշինյանի հեռախոսազրույցը Ղազախստանի նախագահ Կասիմ-Ժոմարտ Տոկաևի հետ
---