«Գիտելիքն ուժ է» մենթալ թվաբանության 4-րդ միջազգային օլիմպիադան՝ Ucom-ի աջակցությամբ

«Գիտելիքն ուժ է» մենթալ թվաբանության 4-րդ միջազգային օլիմպիադան՝ Ucom-ի աջակցությամբ

PanARMENIAN.Net - Ucom ընկերության աջակցությամբ մայիսի 6-7-ին Կ․ Դեմիրճյանի անվան մարզահամերգային համալիրում կայացել է «Գիտելիքն ուժ է» մենթալ թվաբանության 4-րդ միջազգային օլիմպիադան։ Տարվա կրթական խոշորագույն իրադարձությանը մասնակցել է 4-16 տարեկան 600 աշակերտ Երևանից, Հայաստանի գրեթե բոլոր մարզերից ու Ռուսաստանից, որոնք հնարավորություն էին ստացել ևս մեկ անգամ ցուցադրելու իրենց գիտելիքներն ու հմտությունները:

Օլիմպիադան կազմակերպել է լրացուցիչ կրթական ոլորտում լայնամասշտաբ գործունեություն ծավալող IQ Center Global Education-ը: IQ Center-ը, հանդիսանալով Հայաստանի Մենթալ թվաբանության ասոցիացիայի հիմնադիրը և աշխարհում մենթալ թվաբանության հիմնադիր PAMA Global և SAMA Global միջազգային ասոցիացիաների միակ և պաշտոնական ներկայացուցիչը տարածաշրջանում, արդեն 6 տարի է՝ Երևանի ու մարզերի հազարավոր երեխաներին հնարավորություն է ընձեռում ուսումնասիրել մենթալ թվաբանությունը:

«Ուրախ ենք ոչ միայն միջոցառման տեխնիկական աջակիցը հանդիսանալ` ապահովելով արագագործ ինտերնետ կապը, այլև շնորհավորում ենք 12-ամյա Արինա Աբելյանին Մարտունուց ու 8-ամյա Էդուարդ Փաշայանին Երևանից՝ սուպեր հաղթողների տիտղոսին և Ucom-ի հատուկ մրցանակներին արժանանալու համար», - նշել է «Յուքոմ» ընկերության գլխավոր տնօրեն Ռալֆ Յիրիկյանը։

Մենթալ թվաբանության 4-րդ միջազգային օլիմպիադան համախմբել է մի շարք պատվավոր հյուրերի՝ կրթական հաստատությունների ղեկավարների, առաջատար բիզնեսների ներկայացուցիչների, երգիչների, դերասանների ու արվեստագետների, որոնց ներկայությունը ոգևորել է մասնակիցներին:

Օլիմպիադան ամփոփվել է մրցանակաբաշխության հանդիսավոր արարողությամբ: Մասնակից բոլոր երեխաները հատուկ նվերներ են ստացել IQ Center Global Education-ից: Իսկ հաղթական հորիզոնականներ զբաղեցրած տասնյակ մասնակիցներ նվերների են արժանացել Օլիմպիադայի հովանավորների ու գործընկերների կողմից: Մրցույթից հետո երեխաները դիտել են շոու ծրագիր, մասնակցել խաղերի, վիկտորինաների, ֆլեշմոբերի, ռոբոտաշինության և արվեստի վարպետաց դասերի: Մասնակիցներին ուղեկցող ավելի քան երկու հազար ծնողների համար միջոցառման ամբողջ ընթացքում գործել է ցուցահանդես:

 Ուշագրավ
Բագրատ սրբազանը վաղ առավոտյան ուղևորվել է դեպի Կիրանց
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը
Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները
---