ԱՀ ՏԿԵՆ․ Սարսանգի ջրամբարը գրեթե դատարկ է

ԱՀ ՏԿԵՆ․ Սարսանգի ջրամբարը գրեթե դատարկ է

PanARMENIAN.Net - Արցախի շրջափակման ընթացքում Սարսանգի ջրամբարի վրա կառուցված ՀԷԿ-ն աննախադեպ ռեժիմով է աշխատել, որի հետևանքով ջրամբարը գրեթե դատարկ է, հայտնում է ԱՀ տարածքային կառավարման և ենթակառուցվածքների նախարարությունը։

«Էներգետիկ ճգնաժամը խորացնելու նպատակով Ադրբեջանը պարբերաբար խափանում էր Հայաստանից Արցախ մտնող գազատարի աշխատանքները․ վերջին անջատումից արդեն անցել է 2 ամիս։ Արդյունքում Սարսանգի ջրամբարի վրա կառուցված ՀԷԿ-ը էներգետիկ ճգնաճամը մեղմելու միակ տարբերակն էր և ձմռանը էլեկտրաէներգիա ստանալու համար աննախադեպ շատ ջուր է բաց թողնվել ջրամբարից»,-ասվում է հաղորդագրության մեջ։

Սարսանգի ջրամբարի խնդրին էր անդրադարձել նաև ԱՀ նախկին պետնախարար Ռուբեն Վարդանյանը «Արցախի հիմնախնդիրը 10 մլն հայության խնդիրն է» խորագրով առցանց հանդիպման ժամանակ, գրում է «Առավոտը»։

https://www.aravot.am/2023/05/07/1339750/

Այն հարցին, թե ինչպե՞ս կգնահատի Սարսանգի ջրամբարի վիճակը, նա պատասխանել է․ «Վիճակը ծանր է, բայց լուծումեր կան․ դրանց վրա աշխատում ենք»։

Հայաստանից Արցախը սնուցող միակ էլեկտրագծի խափանման պայմաններում հունվարի 9-ից Արցախում օգտագործվում է միայն տեղում արտադրված էլեկտրաէներգիան: «Սարսանգ» ՀԷԿ-ն ապահովում է էլեկտրաէներգիայի մեծ մասն ու պայմաններ ստեղծում ցանցի համար, որ փոքր ՀԷԿ-երը նույնպես կարողանան աշխատել և արտադրանք տալ:

Ամիսներ շարունակ Ադրբեջանը խոչընդոտում է Աղավնո-Բերձոր հատվածում Հայաստանից Արցախ մտնող միակ բարձրավոլտ գծի վթարի վերացմանը:

 Ուշագրավ
Փետրվարի 1–ից ՀՀ–ն պաշտոնապես միացել է Հաագայի Միջազգային քրեական դատարանին
Փետրվարի 1-ին Միջազգային քրեական դատարանը իրավասություն է ստանալու հետաքննել Ալիևի գործողությունները
Նա նշել է, որ դիտարկում է հայկական բանակին «ոչ մահաբեր ձևաչափով» աջակցություն ցուցաբերելու հնարավորությունը, բայց կոնկրետ որոշումներ չկան
Ալեյնիկն ասել է, որ հաջողվել է համաձայնեցնել գրեթե բոլոր փաստաթղթերը
---