Լավրով․ Երևանն ու Բաքուն կարողացան մոտենալ խաղաղության պայմանագրի թեմայի ընդհանուր տեսլականին 19 մայիսի 2023 - 18:53 AMT PanARMENIAN.Net - ՌԴ ԱԳ նախարար Սերգեյ Լավրովը ՀՀ և Ադրբեջանի ԱԳ նախարարներ Արարատ Միրզոյանի և Ջեյհուն Բայրամովի հետ եռակողմ հանդիպումից հետո հայտարարել է, որ Երևանին և Բաքվին հաջողվել է մոտեցնել ընկալումները խաղաղության պայմանագրի թեմայի ընդհանուր տեսլականի։ «Խաղաղության պայմանագրի և մի շարք հոդվածների գծով, որոնք այսօր քննարկվել են, հաջողվել է մոտեցենել երկու կողմերի ընկալումը ընդհանուր տեսլականի։ Այժմ մեկնարկել է ՀՀ և Ադրբեջանի ԱԳ նախարարների երկկողմ հանդիպումը, որի ավարտին նրանք կտեղեկացնեն մեզ, թե ինչի է հաջողվել հասնել»,-ասել է նա, հայտնում է ՏԱՍՍ-ը։ Լավրովը նշել է, որ Մոսկվան «հետագայում ևս կնպաստի առաջընթացին, ամբողջապես կատարելու համար բոլոր եռակողմ հայտարարությունների բոլոր դրույթները, որոնք կազմում են հայ-ադրբեջանական հարաբերությունների կարգավորման հիմքը»։ Ըստ Լավրովի, ՀՀ և Ադրբեջանի ԱԳ նախարարները հայտարարել են, որ առանց Ղարաբաղում անվտանգության հետ կապված իրավիճակի բարելավման, աշխատանքը խաղաղության պայամանգրի վրա դժվարանում է։ Մայիսի 1-ին ԱՄՆ Արլինգթոն քաղաքում տեղի է ունեցել Հայաստանի և Ադրբեջանի ԱԳ նախարարներ Արարատ Միրզոյանի և Ջեյհուն Բայրամովի երկկողմ հանդիպումը, նույն օրը Վաշինգտոնում էլ` եռակողմ հանդիպում Արարատ Միրզոյանի, ԱՄՆ պետքարտուղար Էնթոնի Բլինքենի և Ադրբեջանի ԱԳ նախարար Ջեյհուն Բայրամովի միջև։ Միրզոյանի ու Բայրամովի բանակցությունները տևել են մինչև մայիսի 4-ը։ Բանակցությունների ավարտին Բլինքենը հայտարարել էր զգալի առաջընթացի մասին։ Մայիսի 25-ին Մոսկվայում սպասվում է ՀՀ, ՌԴ և Ադրբեջանի ղեկավարներ Նիկոլ Փաշինյանի, Վլադիմիր Պուտինի և Իլհամ Ալիևի եռակողմ հանդիպումը։   Ուշագրավ Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը   Ամենաընթերցվողը բաժնում |  Վերջին լուրեր ՄԻՊ․ Անթույլատրելի է աուտիզմով մարդկանց ծաղրելու տեսարան պարունակող տեսանյութի տարածումը  Պաշտպանն օգտատերերին հորդորել է հեռացնել վերոնշյալ տեսանյութը և բացառել դրա տարածումըԱդրբեջանում ԱՄՆ դեսպանը՝ Շուշի չայցելելու մասին․ Դեռևս պատրաստ չեմ Նա մտահոգիչ է անվել մամուլի և քաղհասարակության ճնշումները՝ հավելելով, որ դա «տասնամյակներով հետ կշպրտի Ադրբեջանը»Հնդկաստանն արդիականացրել է ՀՀ մատակարարված հրետանային համակարգերը՝ նոր էլեկտրոնիկա տեղադրելով Հրետանային համալիրներում տեղադրվել են պարզեցված ինտերֆեյսով բալիստիկ համակարգիչներ |
