Միրզոյան․ Վաշինգտոնում խաղաղության պայմանագրի նախագծի ևս 2 հոդված համաձայնեցվեց 22 մայիսի 2023 - 17:11 AMT PanARMENIAN.Net - ՀՀ արտաքին գործերի նախարար Արարատ Միրզոյանն ասուլիսում, խոսելով մայիսի սկզբին Վաշինգտոնում հայ-ադրբեջանական բանակցությունների մասին, ասել է, որ ԱՄՆ-ում որոշակի առաջընթաց ձեռք բերվեց այն առումով, որ խաղաղության պայմանագրի նախագծի ևս 2 հոդված հնարավոր եղավ համաձայնեցնել։ Նա հավելել է, որ մի քանի այլ հոդվածների շուրջ հնարավոր եղավ անկեղծ խոսակցություն ծավալել, հայտնում է Aysor.am-ը։ «Կարող եմ ասել, որ այդ խոսակցությունների ընթացքում կողմերը շատ լավ են հասկանում մեկը մյուսի մտադրությունները և պատկերացումները։ Բացի նշածս երկու հոդվածից, կարծում եմ, մյուս հոդվածների մասով ևս հավանականություն կա համաձայնության։ Կան հոդվածներ և թեմաներ, որտեղ կողմերի դիրքորոշումները դեռ բավականին հեռու են իրարից։ Սրանք այն հոդվածներն են, որոնք առնչվում են ամենադժվար խնդիրներին», - ասել է Միրզոյանը։ Նա նշել է, թե Հայաստանի համար սկզբունքային է որոշակիություն ունենալ սահմանազատման գործընթացում։ «Մենք շահագրգռված ենք տարածաշրջանում կոմունիկացիաների ապաշրջափակմամբ և պատկերացնում ենք, որ դա պետք է տեղի ունենա կողմերի ինքնիշխանության, իրավազորության, հավասարության և փոխադարձության սկզբունքների հիման վրա»,-ասել է ԱԳ նախարարը։ Մայիսի 1-ին ԱՄՆ Արլինգթոն քաղաքում տեղի է ունեցել Հայաստանի և Ադրբեջանի ԱԳ նախարարներ Արարատ Միրզոյանի և Ջեյհուն Բայրամովի երկկողմ հանդիպումը, նույն օրը Վաշինգտոնում էլ` եռակողմ հանդիպում Արարատ Միրզոյանի, ԱՄՆ պետքարտուղար Էնթոնի Բլինքենի և Ադրբեջանի ԱԳ նախարար Ջեյհուն Բայրամովի միջև։ Միրզոյանի ու Բայրամովի բանակցությունները տևել են մինչև մայիսի 4-ը։ Բանակցությունների ավարտին Բլինքենը հայտարարել էր զգալի առաջընթացի մասին։ Մայիսի 25-ին Մոսկվայում սպասվում է ՀՀ, ՌԴ և Ադրբեջանի ղեկավարներ Նիկոլ Փաշինյանի, Վլադիմիր Պուտինի և Իլհամ Ալիևի եռակողմ հանդիպումը։   Ուշագրավ «Մենք ամեն ինչ կանենք, որ այդ հնարավորությունն ընձեռվի»,–ասել է նա «Սա այն, ինչի մասին մենք երկար ժամանակ ահազանգում էինք միջազգային հանրությանը»,–ասել է նա «Նա նաև իր աչքերով է ուզում տեսնել, թե ինչ է կատարվում, որ զեկուցի ԱՄՆ նախագահին»,– ասել է Հովհաննիսյանը Նա տարակուսելի է համարել տեղեկությունը, որ Ադրբեջանն իր գործողույունների մեկնարկի մասին տեղյակ է պահել ՌԴ–ին   Ամենաընթերցվողը բաժնում |  Վերջին լուրեր Ղազանչյան․ Ստեփանակերտի լեգենդար թատրոնը կշարունակի գործել  Թատերական գործիչների միության պատրաստ է տրամադրել իր շենքը12-ամյա Կարենը 40 ժամ ղեկին է եղել՝ ընտանիքին Արցախից Հայաստան է հասցրել Այդ մասին ֆեյսբուքյան իր էջում գրել է օգտատեր Արևիկ ՀամբարձումյանըՓաստաբան Մակինյանը Սուրենավանի գյուղապետի գրառման առնչությամբ հանցագործության մասին հաղորդում է ներկայացրել Գյուղապետը կոչ էր արել զրկել օգնությունից այն արցախցիներին, որոնք կմասնակցեն ցույցերինԵրթ Երևանում՝ հաջակցություն Ռուբեն Վարդանյանի․ «Ռուբե՛ն, քեզ հետ ենք» Երթին միացել է նաև դերասան Վարդան Պետրոսյանը |
