Միրզոյանը և Դոքերթին կարևորել են ՀՀ-ի և ՄԹ-ի միջև համապարփակ և ընդլայնված գործընկերության համաձայնագրի ստորագրումը 22 մայիսի 2023 - 18:34 AMT PanARMENIAN.Net - Հայաստանի ԱԳ նախարար Արարատ Միրզոյանը և Միացյալ Թագավորության Եվրոպայի հարցերով պետնախարար Լեո Դոքերթին համատեղ մամուլի ասուլիսում կարևորել են ՀՀ-ի և ՄԹ-ի միջև համապարփակ և ընդլայնված գործընկերության համաձայնագրի ստորագրումը։ Նրանք պատրաստակամություն են հայտնել գործնական քայլեր ձեռնարկել տնտեսական, գիտական, մշակութային ոլորտներում առկա ներուժը լիարժեք իրացնելու ուղղությամբ, հայտնում է Արմենպրեսը։ «Երկուստեք կարևորել ենք նաև Հայաստանի և Միացյալ Թագավորության միջև հարաբերությունների իրավապայմանագրային հիմքի ամրապնդումը, մասնավորապես համապարփակ և ընդլայնված գործընկերության համաձայնագրի ստորագրման մասով։ Կարծում ենք, որ փոխադարձ բարձրաստիճան այցերի իրականացումը այս ուղղությամբ ևս խթան կհանդիսանա»,- ընդգծել է Միրզոյանը։ Միրզոյանը` ընդգծել է, որ կողմերը կարևորել են Հայաստանի և Միացյալ Թագավորության միջև հաստատված փոխգործակցությունը և լիահույս են, որ կկարողանան համատեղ ջանքերով նոր լիցք հաղորդել փոխադարձ հետաքրքություն ներկայացնող ոլորտներում երկու երկրների համագործակցությանը։ «Կարևորում ենք Հայաստանի և Միացյալ Թագավորության միջև ազդարարված ռազմավարական երկխոսության մեկնարկը։ Լիահույս ենք, որ դա իր արտացոլումը կունենա նաև բազմակողմ հարթակներում մեր փոխգործակցության հարցում»,- ասել է Միրզոյանը։ Չնայած նկատվող առևտրաշրջանառության ծավալի որոշակի աճին՝ ԱԳ նախարարը հուսով է հաջորդ հանդիպումների ընթացքում արձանագրել էլ ավելի մեծ դրական դինամիկա։ ԱԳ նախարարը հայտնել է, որ Դոքերթիի հետ հանդիպմանը անդրադարձել են նաև Հայաստանի բարեփոխումների հավակնոտ օրակարգին՝ ուղղված ժողովրդավարական ինտիտուտների և օրենքի գերակայության ամրապնդմանը, մարդու իրավունքների պաշտպանությանը, կոռուպցիայի դեմ անզիջում պայքարին և արդյունավետ կառավարման ապահովմանը։ «Այս համատեքստում մենք արժևորում ենք Միացյալ Թագավորության շարունակական աջակցությունը Հայաստանի ժողովրդավարական բարեփոխումներին»,- եզրափակել է Միրզոյանը։ Դոքերթին կհանդիպի նաև վարչապետ Նիկոլ Փաշինյանի հետ, կքննարկի անվտանգությանն ու պաշտպանությանը վերաբերող հարցեր, կհայտարարի Ռազմավարական երկխոսության մեկնարկի մասին։ Դոքերթին այցելել է Ծիծեռնակաբերդ և հարգել Հայոց ցեղասպանության զոհերի հիշատակը։   Ուշագրավ «Մենք ամեն ինչ կանենք, որ այդ հնարավորությունն ընձեռվի»,–ասել է նա «Սա այն, ինչի մասին մենք երկար ժամանակ ահազանգում էինք միջազգային հանրությանը»,–ասել է նա «Նա նաև իր աչքերով է ուզում տեսնել, թե ինչ է կատարվում, որ զեկուցի ԱՄՆ նախագահին»,– ասել է Հովհաննիսյանը Նա տարակուսելի է համարել տեղեկությունը, որ Ադրբեջանն իր գործողույունների մեկնարկի մասին տեղյակ է պահել ՌԴ–ին   Ամենաընթերցվողը բաժնում |  Վերջին լուրեր Ղազանչյան․ Ստեփանակերտի լեգենդար թատրոնը կշարունակի գործել  Թատերական գործիչների միության պատրաստ է տրամադրել իր շենքը12-ամյա Կարենը 40 ժամ ղեկին է եղել՝ ընտանիքին Արցախից Հայաստան է հասցրել Այդ մասին ֆեյսբուքյան իր էջում գրել է օգտատեր Արևիկ ՀամբարձումյանըՓաստաբան Մակինյանը Սուրենավանի գյուղապետի գրառման առնչությամբ հանցագործության մասին հաղորդում է ներկայացրել Գյուղապետը կոչ էր արել զրկել օգնությունից այն արցախցիներին, որոնք կմասնակցեն ցույցերինԵրթ Երևանում՝ հաջակցություն Ռուբեն Վարդանյանի․ «Ռուբե՛ն, քեզ հետ ենք» Երթին միացել է նաև դերասան Վարդան Պետրոսյանը |
