Աշոտ Փաշինյանը դեմ է, որ Գայանե Հակոբյանի տնային կալանքը փոխարինվի ազատությամբ 5 հունիսի 2023 - 17:46 AMT PanARMENIAN.Net - Վարչապետի որդին Աշոտ Փաշինյանը դատարանում հայտարարել է՝ ինքը դեմ է, որ 44-օրյա պատերազմում զոհված Ժորա Մարտիրոսյանի մոր Գայանե Հակոբյանի խափանման միջոցը տնային կալանքը, փոխարինվի ազատությամբ։ Երևանի ընդհանուր իրավասության քրեական դատարանում հունիսի 5-ին մեկնարկել է նրա և Գայանե Հակոբյանի միջև տեղի ունեցած միջադեպի գործով նախնական դատալսումների փուլը։ Աշոտ Փաշինյանին դուր չեն եկել Գայանե Հակոբյանի պաշտպանական թիմի ներկայացրած մի շարք փաստարկներ, գրում է Sputnik Արմենիան։ «Լսելով պաշտպանական թիմին` այն տպավորությունն է ստեղծվում, թե ի դեմս Գայանե Հակոբյանի ու մյուս ծնողների, ակադեմիկոսների ու գիտնականների մասին է խոսքը։ Այս ինչ մանիպուլյացիաներ են հնչում պաշտպանական կողմից։ Տիկին Գայանեն այն նույն անձն է, որ խոչընդոտում էր պաշտոնատար անձանց մուտքը Եռաբլուր։ Այս գործով նույնիսկ տնային կալանքը կարող է շատ ավելի մեղմ համարվել, և ճիշտը կալանքն է»,– հայտարարել է Աշոտ Փաշինյանը։ Ըստ նրա` պետք է հաշվի առնել, որ տեղի է ունեցել ծանր հանցագործություն, որի համար ՀՀ Քրեական օրենսգրքով նախատեսվում է կալանավորում 4-8 տարի ժամկետով։ Ավելի վաղ լրագրողների հետ զրույցում Նիկոլ Փաշինյանի որդին հայտարարել էր, որ իր կամքով է նստել Գայանե Հակոբյանի ավտոմեքենան: «Իմ առևանգումը սկսվեց այն պահից, երբ ես ցանկացա մեքենայից իջնել, բայց տիկին Գայանեն թույլ չտվեց»,- լրագրողների հետ զրույցում ասել է նա, գրում է Aysor.am-ը։ Աշոտ Փաշինյանն ասել է, թե տիկին Գայանեն իրեն նախօրոք չէր ասել, որ «Եռաբլուր» են գնալու։ Աշոտ Փաշինյանի խոսքով՝ բոլոր նմանատիպ դեպքերն օրենքին համապատասխան մեկնաբանություն կստանան. իր գործն է եղել դատաիրավական համակարգին դիմելը, մնացածը աշխատակիցների գործն է։ Մայիսի 17-ին տեղեկություն էր տարածվել, թե «Որդիների կանչ» ՀԿ–ի անդամները փորձել են առևանգել վարչապետի որդուն։ Վերջինս հաղորդում էր ներկայացրել ոստիկանություն, որից հետո ՀՀ քննչական կոմիտե քրեական գործ է հարուցել մարդուն առևանգելու հոդվածով, կալանավորվել է մեկ անձ` Գայանե Հակոբյանը։ Հունիսի 5-ին հայտնի դարձավ, որ Փաշինյանի որդու գործով կալանավորված Գայանե Հակոբյանի խափանման միջոցը փոխվել է, ընտրվել է տնային կալանքը։   Ուշագրավ «Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում   Ամենաընթերցվողը բաժնում |  Վերջին լուրեր ԱՄՆ Պետդեպը ողջունել է ՀՀ և Ադրբեջանի ԱԳ նախարարների հանդիպումն անցկացնելու` Ղազախստանի առաջարկը  «Մենք բազմիցս հայտարարել ենք, որ ոգևորված ենք Հայաստանի և Ադրբեջանի միջև մինչ օրս ձեռք բերված առաջընթացից»,–ասել են ՊետդեպիցՀունիսի 1–ից Վրաստան մտնող յուրաքանչյուր զբոսաշրջիկ պետք է բժշկական ապահովագրություն ունենա Կարգազանցների համար նախատեսվում է տուգանքԵՊՀ–ում դասադուլի կոչեր են հնչում․ Արհմիությունը կոչ է արել բոլոր դասախոսներին և աշխատողներին միանալ ակցիային Բագրատ սրբազանն ասել է, որ շարժվում են դեպի ԵՊՀ, և որ 18։30–ին կհանդիպեն Հանրապետության հրապարակում«Լադանիվան» Եվրատեսիլի եզրափակչում է Եզրափակչում է նաև Վրաստանը, Ադրբեջանը, որն առաջին կիսաեզրափակչին է մասնակցել, եզրափակիչ դուրս չի եկել |
