Գինու տոն՝ Ակբա բանկի և Վիզայի հետ

Գինու տոն՝ Ակբա բանկի և Վիզայի հետ

PanARMENIAN.Net - «Երևանի գինու օրեր» փառատոնն արդեն 7 տարի ուրախ մթնոլորտ է ձևավորում Երևանում ու վերահաստատում ՝ «ճշմարտությունը գինու մեջ է»։

Հայաստանի մոտ 70 գինեգործական ընկերություն տեղացի և աշխարհի տարբեր վայրերից ժամանած գինեսերներին ներկայացրել է հայկական գինու պատմությունը, պատմել իր տեխնոլոգիայի և փիլիսոփայության մասին ու խորհուրդ տվել խմել միայն հայկական գինի։

Այս տարի փառատոնն աննախադեպ էր զբոսաշրջիկների քանակով։ Աշխարհի տարբեր կողմերից հազարավոր այցելուներին տպավորել է հայկական գինին ու հյուրասիրությունը։

Փառատոնի գլխավոր գործընկերն ու հովանավորն Ակբա բանկն է, որի համար հայկական գինեգործության զարգացումը ռազմավարական նշանակություն ունի։ Ակբայի հետ փառատոնի գործընկերը Վիզա միջազգային վճարահաշվարկային համակարգն է։

«Մեր կարծիքով գինեգործների, գինի սիրողների և ընդհանրապես Երևանը սիրողների համար սա շատ լավ առիթ է Երևանը «զգալու» համար։ Այստեղ կարող եք տեսնել տարբեր տարիքի մարդկանց, ովքեր իրենց համար հաճելի զբաղմունք են գտնում ու մասնակցում տոնակատարությանը։ Եթե սիրում ես ընկերներ, եթե սիրում ես գինի ու լավ ժամանակ անցկացնել, ուրեմն գինու փառատոնին անպայման պետք է գալ։ Ուրախ ենք օժանդակել հենց այս միջոցառմանը, որը զարկ է տալիս տուրիզմին։ Գիտենք, որ այս փառատոնը ներառված է տուրիստական քարտեզում և շատ մարդիկ կան, որ իրենց օրացույցում նշում են այս օրը, որպեսզի հենց այս օրը գտնվեն Երևանում և զգան այս մթնոլորտը»,- նշել է Ակբա բանկի բիզնես գործառույթների համակարգման գծով գլխավոր գործադիր տնօրենի տեղակալ Արսեն Մելքոնյանը։

«Ակբա բանկի հետ համագործակցությունը շատ եմ կարևորում, որովհետև Ակբան որպես հովանավոր իր հետ բերում է նաև միջազգային գործընկեր։ Սա բարձրացնում է փառատոնի դերը, որովհետև մենք ցույց ենք տալիս զբոսաշրջիկներին, որ փառատոնը կայացած է ու կարող է ունենալ միջազգային կարգի գործընկերներ։ Ակբա բանկը, լինելով մեր գործընկերը, ոչ միայն իր աջակցությունն է ցուցաբերում փառատոնի կազմակերպանը, այլև նպաստում է հայկական գինու զարգացմանն ու հանրահռչակմանը»,- նշել է «ԷվենտՏուրա» ընկերության համահիմնադիր, տնօրեն Մերի Բադալյանը:

Կազմակերպիչներն ամեն տարի անում են հնարավորը միջազգային հարթակներում հայկական գինին դիրքավորելու և հանրահռչակելու համար։

Բանկը վերահսկվում է ՀՀ ԿԲ կողմից։

 Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը
Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները
---