2 համալսարան կմիաձուլվի՝ կստեղծվի Վազգեն Սարգսյանի անվան ռազմական ակադեմիա 8 հունիսի 2023 - 18:13 AMT PanARMENIAN.Net - Պաշտպանության նախարարության Վազգեն Սարգսյանի անվան ռազմական և մարշալ Արմենակ Խանփերյանցի անվան ռազմական ավիացիոն համալսարանները կմիաձուլվեն և կվերակազմակերպվեն` արդյունքում կստեղծվի «Վազգեն Սարգսյանի անվան ռազմական ակադեմիա» պետական հիմնարկը: Գործադիրը հավանություն է տվել որոշմանը։ Դա թույլ կտա ստեղծել մեկ ընդհանուր արդիական ուսումնանյութական բազա՝ ռազմաուսումնավարժական դաշտեր, բազաներ, համալիրներ, անհրաժեշտ միջոցներով հագեցված լաբորատորիաներ։ Վերակառուցման նպատակն է արդյունավետության բարձրացումը, հաստիքային կազմի օպտիմալիզացումը և կրթական ծրագրերի ծրագրային ու ինստիտուցիոնալ հավատարմագրման գործընթացը դյուրինացնելը: Ըստ հիմնավորման՝ ռազմաուսումնական հաստատությունների միավորումը թույլ կտա ընդհանրացնել ոչ միայն միևնույն գործառույթ իրականացնող կառավարման մարմինները ու ստորաբաժանումները, այլև հնարավորություն կստեղծի մտցնել միջազգային չափանիշների համապատասխան ռազմաուսումնական հաստատության կառավարման և կրթության որակի ապահովման նոր մշակույթ, ապահովել պրոֆեսորադասախոսական և գիտամանկավարժական կազմերի համակարգված պատրաստման և վերապատրաստման գործընթացը, ստեղծել մասնագիտական խորհուրդ, կենտրոնացնել ֆինանսական միջոցները մեկ միասնական կառավարման համակարգի ներքո:   Ուշագրավ Եվս մեկ մարդ մահացել էր տեղում, պայթյունի պահին 2024–ի հուլիսից չորս խումբ կընդգրկվի Առաջատար գիտաշխատողի աշխատավարձը 2021–ի համեմատ կաճի 67% տոկոսով և կդառնա 420 հազար դրամ Նա հայտարարել է, որ նման միտում սպասում էին   |  Վերջին լուրեր ՀՀ և Եգիպտոսի նախագահները հանդիպել են Կլիմայի փոփոխության համաժողովի շրջանակում  Հանդիպմանը մասնակցել է նաև Հայաստանի շրջակա միջավայրի նախարար Հակոբ ՍիմիդյանըՀԱԿ փոխնախագահ. ՀՀ իշխանությունն անբարոյական դիրքորոշում է որդեգրել Ռուբեն Վարդանյանի նկատմամբ «ՀՀ իշխանությունը, ըստ էության, բախտի քմահաճույքին է հանձնել այդ մարդկանց»,–ասել է նաՍևանի մակարդակը 2022–ի դեկտեմբերի 1-ի համեմատ ցածր է 13 սանտիմետրով Սևանա լիճ թափվող գետերում բնական էական փոփոխություններ չեն դիտվել |
