  Փաշինյանը՝ Պուտինին․ Հումանիտար իրավիճակը ԼՂ-ում մնում է լարված՝ մի քանի ամիս չկա գազ և էլէներգիա 10 հունիսի 2023 - 12:36 AMT PanARMENIAN.Net - Վարչապետ Նիկոլ Փաշինյանը Սոչիում Ռուսաստանի Դաշնության նախագահ Վլադիմիր Պուտինի հետ հանդիպմանն ասել է, որ ռուսական խաղաղապահների պատասխանատվության գոտում` Լեռնային Ղարաբաղում, հումանիտար իրավիճակը շարունակում է լարված մնալ՝ արդեն մի քանի ամիս չկա գազ և էլեկտրաէներգիա։ Պուտինը հանդիպման մեկնարկին ասել է․ «Մենք պարբերաբար հանդիպում ենք, շատ ուրախ եմ այսօրվա միջոցառումների շրջանակում ևս մեկ անգամ խոսել երկկողմ հարաբերությունների ընթացիկ իրավիճակի և տարածաշրջանային հարցերի շուրջ, որոնց մասին մենք մանրամասն խոսել ենք նախորդ հանդիպման ընթացքում: Շատ ուրախ եմ տեսնել Ձեզ»: Փաշինյանը շնորհավորել է Պուտինին գալիք Ռուսաստանի օրվա առիթով և մաղթել լավագույնը Ռուսաստանի Դաշնությանը: «Այո, իսկապես, մենք պարբերաբար հանդիպում ենք և քննարկում հարցերի լայն շրջանակ: Այսօր ևս կքննարկենք երկկողմ օրակարգի և տարածաշրջանային հարցեր: Կքննարկենք նաև ռուսական խաղաղապահների պատասխանատվության գոտում` Լեռնային Ղարաբաղում իրավիճակը, ցավոք այնտեղ հումանիտար իրավիճակը շարունակում է լարված մնալ: Լեռնային Ղարաբաղում արդեն մի քանի ամիս չկա գազ և էլեկտրաէներգիա, Լաչինի միջանցքում իրավիճակը շարունակում է մնալ բավականին լարված: Իմիջիայլոց, պետք է ընդգծեմ, որ այժմ մթերքների մատակարարումները Լեռնային Ղարաբաղ իրականացվում է ռուսական խաղաղապահների աջակցությամբ, դա սահմանափակ քանակի մթերքներ են: Հումանիտար ճգնաժամը Լեռնային Ղարաբաղում շարունակվում է և դա նույնպես շատ կարևոր հարց է ու վստահ եմ այսօր կքննարկենք»,-ասել է Փաշինյանը։ Տեղի է ունեցել նաև Եվրասիական միջկառավարական խորհրդի և ԱՊՀ կառավարությունների ղեկավարների խորհրդի նիստերի մասնակիցների հանդիպումը ՌԴ նախագահի հետ:   Ուշագրավ Նա տարակուսելի է համարել տեղեկությունը, որ Ադրբեջանն իր գործողույունների մեկնարկի մասին տեղյակ է պահել ՌԴ–ին Խստագույնս դատապարտում ենք Ադրբեջանի կողմից Լեռնային Ղարաբաղի նկատմամբ ագրեսիան և զանգվածային ոճրագործությունը, նշել է ԱԳՆ-ն Այս մասին ասել է Երևանի ավագանու «Իմ քայլը» խմբակցության ղեկավար Արմեն Գալջյանը «Մեզ, մեր երկրին դա (վավերացումը) պետք է»,–ասել է նա   Ամենաընթերցվողը բաժնում |  Վերջին լուրեր Փաշինյան. ԼՂ քաղբնակչությանն այժմ ուղիղ սպառնալիք չկա, հատկապես՝ հրադադարի պայմաններում  Ըստ նրա՝ ՀՀ-ում տասնյակ հազարավոր ընտանիքների համար կեցավայրեր են պատրաստվելԿաթողիկոս․ Պետք է արցախահայությանը փրկել նոր պատուհասներից Դիմելով արցախցիներին՝ նա նշել է, որ նրանք, ցավոք, միայնակ եք կրում ձեր տառապանաց խաչը։Ալիևի աշխատակազմ. Եվլախում ԼՂ ներկայացուցիչներին է փոխանցվել «վերաինտեգրման պլանը» Նշվում է նաև, որ պայմանավորվածություն է ձեռք բերվել հերթական հանդիպման անցկացման մասինԱրամ Ա–ն համազգային զորաշարժի կոչ է արել Նա խոսել է համազգային հանդիպման հրամայականի մասին՝ ճշտելու համար նոր ռազմավարություն և մարտավարություն |
