Կոլումբիայի ջունգլիներում 40 օր անց գտել են ինքնաթիռի կործանումից հետո ողջ մնացած երեխաներին 10 հունիսի 2023 - 13:39 AMT PanARMENIAN.Net - Կոլումբիայի ջունգլիներում 40 օր անց գտել են ինքնաթիռի կործանումից հետո ողջ մնացած երեխաներին։ Այդ մասին Twitter-ի իր միկրոբլոգում հայտնել է երկրի նախագահ Գուստավո Պետրոն։ «Ուրախություն ամբողջ երկրի համար։ 40 օր առաջ կոլումբիական ջունգլիներում կորած երեխաներին ողջ են հայտնաբերել»,-գրել է նա։ Cessna 206 ինքնաթիռում, որը Սոլանո շրջանից ուղևորվում էր Սան-Խոսե-դել-Գուավյարե քաղաքը, 7 մարդ է եղել։ Մայիսի 15-ին զինվորականները ջունգլիներում գտել էին ինքնաթիռն ու 3 մեծահասակների մարմինները։ Շուրջը եղել են առարկաներ, որոնք հուշել են, որ ինքնաթիռում եղել են երեխաներ՝ 1, 4, 9 և 13 տարեկան, և որ նրանք ողջ են մնացել։ Որոնումների ժամանակ զինվորականներն ու բնիկները ինքնաշեն վրան էին գտել և կծած մրգեր։ El Tiempo թերթը գրել է, որ երեխաներին ռազմական ինքնաթիռով տեղափոխել են Բոգոտա բուժօգնություն ցուցաբերելու համար, գրում է ՏԱՍՍ-ը։ Երեխաներին հայտնաբերել են ինքնաթիռի կործանման վայրից 3․5 կմհեռավորության վրա։ Ըստ նախնական տվյալների, բոլոր այդ 40 օրվա ընթացքում նրանք մենակ են եղել։ «Ինչ-որ պահի նրանք շուն են գտել։ Նրանք ինքնուրույն են փրկվել, դա բնիկ ժողովրդների ընտանիքներում նրանց դաստիարակության արդյունք է»,-ասել է երկրի նախագահը։ Երեխաները խիստ հյուծված են։ Երկրի նախագահն ասել է լրագրողներին, որ այժմ նրանց հարկավոր է աստիճանաբար վերադարձնել սովորական սննդակարգի և ընթացքում կարող են բարդություններ առաջանալ։ Նա հավելել է, որ պետք է ստուգել նաև նրանց հոգեկան վիճակը։   Ուշագրավ Կավելացվեն ծախսերը նաև հատուկ նշանակության նախագծերի ֆինանսավորման համար Շատերը զրկվել են տանիքից և գիշերում են փողոցում Պատճառը հայտնի չէ Օրինագծով նաև նախատեսվում է հստակեցնել այն ժողովուրդների ցանկը, որոնք պատմականորեն ապրել են Ռուսաստանի տարածքում   |  Վերջին լուրեր Փաշինյանը գրեթե բաց տեքստով ՌԴ-ին ՀՀ պետականության դեմ քայլերի մեջ է մեղադրել  Հայ-ռուսական ռազմավարական գործընկերության գործիքները բավարար չեն Հայաստանի արտաքին անվտանգությունն ապահովելու համարԱրցախից ՀՀ տարհանում կիրականացվի․ ԱՀ կառավարություն Բնակչության մյուս խմբերի տեղափոխման մասին կառավարությունը առաջիկայում հանդես կգա տեղեկատվությամբԱՀ ՄԻՊ․ Ադրբեջանական Տելեգրամ ալիքները կոչ են անում գտնել, սպանել, խոշտանգել և բռնաբարել անհետ կորած արցախցիներին Նա նշել է, որ դա հայատյացության և ազգամիջյան ատելության ևս մեկ արտահայտություն էՇախմատիստուհի Գաբոյանը դուրս է եկել միջազգային մրցաշարից և միացել Սուրեն Պետրոսյանի հացադուլին Պետրոսյանը «Ժողովրդավարական համախմբում» կուսակցության նախագահն է |
