Հունիսի 1-ն ամբողջ աշխարհում նշվում է որպես Երեխաների իրավունքների պաշտպանության միջազգային օր: ՀՀ աշխատանքի և սոցիալական հարցերի նախարար Նարեկ Մկրտչյանի առաջարկով Akneye-ը միացել է նախաձեռնությանը և այդ օրն անցկացրել սահմանամերձ Բերդ քաղաքում:
Նախաձեռնությանը միացել էին նկարիչներ Գարեգին Հարությունյանը, Մերի Եփրեմյանն ու Սևակ Նազարյանը:
Արտիստները երեխաների համար տեղում նկարչական դասընթացներ են կազմակերպել, ապա՝ օգնել նկարել խորհրդանշական աչքերի վրա:
Նախագծի շրջանակում երեխաների ձեռքերով նկարազարդված քանդակների NFT տարբերակը կստեղծվի և բարեգործական նպատակով կներկայացվի վաճառքի ftNFT ֆիջիթալ հարթակում:
Վաճառքից գոյացած գումարը կուղղվի ԱՍՀ նախարարության ենթակայությամբ գործող խնամքի հաստատություններում ապրող երեխաների կրթական գործընթացի կազմակերպմանը։
Akneye նախագծի վերաբերյալ մանրամասն կարելի է տեղեկանալ պաշտոնական կայքէջում: