Հուլիսի 1-ից միկրոբիզնեսում գործատուները 5000 դրամի փոխարեն 20% եկամտահարկ կվճարեն յուրաքանչյուր աշխատողի համար 29 հունիսի 2023 - 13:58 AMT PanARMENIAN.Net - Հուլիսի 1-ից միկրոբիզնեսի դաշտում աշխատող գործատուներն արդեն 5000 դրամի փոխարեն 20% եկամտային հարկ կվճարեն յուրաքանչյուր աշխատակցի համար։ Այդ մասին ֆեյսբուքյան իր էջում գրել է «Ապրելու երկիր» կուսակցության քաղխորհրդի անդամ Սամսոն Գրիգորյանը։ «Միկրոբիզնեսի հարկման այսքան խինդ ու հրճվանքով, պոպուլիզմով ներդրված դաշտը դարձավ հերթական պայթած փուչիկը։ Իշխանությունները սա բացատրում են ստվերի աճով։ Սակայն ոչինչ չի խոսվում այդ ստվերի դեմ պայքարի համար պետբյուջեից անխնա ֆինանսավորվող կառույցների ամլության մասին։ Ստացվում է, մշտապես ոչ կոմպետենտ պատկան մարմինների փոխարեն, նորից պատասխան է տալու ՀՀ քաղաքացին և տնտեսվարողը։ Ի սկզբանե համակարգը ներդրվեց՝ ավիրելով ընտիր կայացած Ընտանեկան բիզնես հասկացությունը, բազմաթիվ հրաշալի առաջարկները անտեսելով։ Դրանցից մեկի մասին շատ էի խոսել ժամանակին՝ առաջարկելով թեթև արդյունաբերության կայացման և զարգացման համար, ոլորտում ներգրավված աշխատակիցներին հարկել ընդամենը 5000 դրամով։ Սա կնպաստեր, որ սոցիալական ծրագրերի շահառու քաղաքացիներին բերեինք աշխատունակ քաղաքացիների խումբ, ապահովեինք նրանց համար ավելի մեծ եկամուտ, ազատեինք պետությունը խոշոր բեռից և Հայաստանում զարգացնեինք թեթև արդյունաբերությունը։ Բայց... այստեղ, ինչպես միշտ, ստացվեց «ինչպես միշտ», այսինքն, նորից ունեցանք իշխանության ձախողած ծրագիր»,-ասվում է գրառման մեջ։   Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով   Ամենաընթերցվողը բաժնում |  Վերջին լուրեր Սանոսյան․ Ապարանի վթարային շենքերում բնակվող 43 ընտանիքի բնակարան կնվիրնեք  Այդ բնակարաններից 2-ը կտրվի երկարաշարժի ժամանակ բնակարանները վնասված ընտանիքներինԴեսպան. Հիշատակի ու սգո այս օրը Ֆրանսիայի դեսպանությունն իր համերաշխությունն է հայտնում հայ ժողովրդին Ֆրանսիայի դեսպանությունն իր համերաշխությունն է հայտնել հայ ժողովրդինԱԽ քարտուղարն ու Կիմը քննարկել են հայ-ամերիկան երկկողմ հարաբերությունները Անդրադարձ է կատարվել առանցքային ոլորտներում գործնական համագործակցությանն առնչվող հարցերի |
