ԱԳՆ խոսնակ․ ՀՀ-ն համաձայնել է մոսկովյան հանդիպմանը

ԱԳՆ խոսնակ․ ՀՀ-ն համաձայնել է մոսկովյան հանդիպմանը

PanARMENIAN.Net - Հայկական կողմը համաձայնություն է տվել Մոսկվայում Հայաստանի և Ադրբեջանի ԱԳ նախարարների մակարդակով հանդիպման առաջարկին։ Այդ մասին հայտնել է ԱԳՆ մամուլի խոսնակ Անի Բադալյանը, տեղեկացնում է Aysor.am-ը։

«Այլ մանրամասների մասին կհայտնենք լրացուցիչ»,-ասել է մամուլի խոսնակը։

Ավելի վաղ Ադրբեջանի նախագահ Իլհամ Ալիևը հայտարարել է, որ մոտ օրերս Մոսկվայում կհանդիպեն Ադրբեջանի և Հայաստանի ԱԳ նախարարներ Ջեյհուն Բայրամովը և Արարատ Միրզոյանը։

ԵԱՀԿ-ում Ռուսաստանի մշտական ներկայացուցիչ Ալեքսանդր Լուկաշևիչը Հայաստանի կողմից հրավիրված ԵԱՀԿ Մշտական խորհրդի հատուկ նիստում ասել է, որ ՌԴ-ն պատրաստ է ընդունել Մոսկվայում ՀՀ և Ադրբեջանի ԱԳ նախարարներին։

«Պատրաստ ենք մոտ ժամանակներս Մոսկվայում կազմակերպել արտգործնախարարներիեռակողմ հանդիպում՝ քննարկելու համար բարձր մակարդակով պայմանավորվածությունների կատարման ուղիները, ներառյալ խաղաղության պայմանագրի համաձայնեցման թեման, որին կհաջորդի Մոսկվայում կայանալիք եռակողմ գագաթնաժողով՝ հիշյալ փաստաթղթի ստորագրման նպատակով»,- ասել է նա։ Այդ մասին ասվում էր նաև ավելի վաղ հրապարակված ՌԴ ԱԳՆ հայտարարության մեջ։

 Ուշագրավ
Նա նաև վստահություն է հայտնել, որ որևէ ՔՊ-ական չի գնա հանդիպման սրբազանի հետ
Իրանի նախագահի և նրան ուղեկցող անձանց հուղարկավորությունը տեղի կունենա մայիսի 21–ին
«Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա
---