  ՎՏԲ-Հայաստան բանկն ընդլայնում է իր on-line ներկայությունը մարզերում28 ապրիլի 2009 - 21:36 AMT PanARMENIAN.Net - ՎՏԲ-Հայաստան բանկը, որն ունի ամենախոշոր մասնաճյուղային ցանցը Հայաստանում (78 մասնաճյուղ), ընդլայնում է իր on-line ներկայությունը մարզերում: Ավարտելով on-line համակարգին միանալու գործընթացը Երեւանի իր բոլոր մասնաճյուղերում, բանկն ընթացիկ տարվա ապրիլի սկզբին համակարգին միացրեց Էջմիածնի մասնաճյուղը եւ շարունակեց ակտիվ աշխատանքներն այս ուղղությամբ: Ինչպես հաղորդում է բանկի մամլո ծառայությունը, ապրիլի 28-ի դրությամբ համակարգին միացվեց եւս 5 մասնաճյուղ` երկու մասնաճյուղ Հրազդանում եւ մեկական մասնաճյուղ Վեդի, Արտաշատ եւ Մասիս քաղաքներում: Համաձայն հաստատված ծրագրի, ՎՏԲ-Հայաստան բանկը յուրաքանչյուր շաբաթ on-line համակարգին միացնելու է մարզերում գործող 2-3 մասնաճյուղեր, նկատի ունենալով ողջ գործընթացն ավարտել 2009թ. առաջին կիսամյակում: Հաղորդագրության մեջ նշվում է, որ այս ամենին զուգահեռ ՎՏԲ-Հայաստան բանկը կյանքի է կոչում նպատակային ծրագիր ուղղված հաճախորդների սպասարկման որակի կատարելագործմանը եւ ժամանակակից տեխնոլոգիաների հիման վրա հաղորդակցության զարգացման քաղաքականության իրագործմանը: ՎՏԲ-Հայաստան բանկը մինչեւ 2006թ. հունիսի 20-ը գործել է Հայաստանի Հանրապետության Խնայողական բանկ անվանումով: Հայխնայբանկը կազմավորվել էր 1923թ. բանկային ծառայություններ մատուցելու, մասնավորապես խնայողություններ ներգրավելու եւ սպառողական վարկեր տրամադրելու նպատակով: 2004թ. ապրիլից ՌԴ առաջատար բանկերից մեկը` Վնեշտորգբանկը դարձավ Հայխնայբանկի բաժնետոմսերի ավելի քան 70%-ի բաժնետեր, եւ Հայխնայբանկը համալրեց աշխարհով մեկ սփռված Վնեշտորգբանկի դուստր բանկերի շարքը: 2006թ. հունիսին Հայխնայբանկը անվանափոխվեց` "ՎՏԲ-Հայաստան բանկ" ՓԲԸ-ի: 2007թ. հուլիսի 25-ին ՎՏԲ-ն "Mika Armenia Trading" LTD կազմակերպությունից ձեռք բերեց 30% հանած մեկ բաժնետոմս եւ դարձավ իր դուստր բանկի` "ՎՏԲ-Հայաստան բանկ" ՓԲԸ 100% բաժնետոմսերի փաթեթի միանձնյա բաժնետեր: ՎՏԲ - Հայաստան բանկի գործունեության ծրագրում նախատեսված է Հայաստանի Հանրապետության տնտեսության ֆինանսավորման հետագա ընդլայնում: Բացի այդ մշտապես թարմացվում է մանրածախ բիզնեսի հաճախորդներին առաջարկվող ծառայությունների շարքը եւ ընդլայնվում բանկի գործունեությունը բիզնեսի ամենատարբեր ոլորտներում` փոքր ձեռնարկությունների սպասարկումից մինչեւ խոշոր կորպորատիվ հաճախորդների հետ համագործակցության ընդլայնում:   Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով   Ամենաընթերցվողը բաժնում |  Բաժիններ թեմայով Վերջին լուրեր ՄԻՊ աշխատակազմը մայիսի 9-ին արտակարգ ռեժիմով է աշխատելու  Նշվել է, որ անթույլատրելի է որևէ պարագայում ոստիկանության ծառայողների կողմից անհամաչափ ուժի գործադրումըԱդրբեջանի մեջլիսում մտահոգ են այդ երկրի պաշտոնյաների դեմ ԱՄՆ հնարավոր պատժամիջոցների հեռանկարով Օրուջն ասել է, թե կարելի է «Փաշինյանին հրավիրել Բաքու, բայց փակել մուտքը երկիր պատժամիջոցների կողմնակիցների համար»ԱԳՆ․ ՀՀ-ն չի մասնակցի ՀԱՊԿ գործունեության ֆինանսավորմանը Ուշակովն ավելի վաղ ասել էր, որ Հայաստանը պատրաստվում է ձեռնպահ մնալ ՀԱՊԿ-ի ֆինանսավորումիցԲագրատ սրբազան․ ԽՍՀՄ ժամանակ էլ ճնշումներ եղան՝ եկեղեցուն ոչինչ չեղավ, բայց Սովետը չկա ու չի էլ լինելու Նա ասել է, որ Ամենայն Հայոց կաթողիկոսն օրհնել է շարժումը ոչ թե՝ առաջնորդել |
