Թևանյան․ Պատրաստ ենք արտահերթ ընտրությունների 19 սեպտեմբերի 2023 - 11:42 AMT PanARMENIAN.Net - «Մայր Հայաստան» դաշինքի առաջնորդ Անդրանիկ Թևանյանը, արձագանքելով Հայկ Մարությանի՝ Երևանի ավագանու ընտրություններին առնչվող առաջարկին, ասել է, որ իրենք պատրաստ են արտահերթի, հայտնում է ArmLur․am--ը։ Երևանի նախկին քաղաքապետ Հայկ Մարությանը ավագանու ընտրություններում անցողիկ շեմը հատած 3 քաղաքական ուժին՝ «Հանրապետություն», «Հանրային ձայն» կուսակցություններին և «Մայր Հայաստան» դաշինքին 2 առաջարկ էր ներկայացրել՝ կամ գալ և առանց վերապահումների քվեարկել իր թեկնածության օգտին, կամ էլ գնալ նոր արտահերթ ընտրությունների: «Մենք շատ պարզ բան ենք առաջարկում, ասում ենք՝ կօգնենք, որ քաղաքապետը փոխվի, բայց այդ դեպքում պետք է հայտարարություն հնչի, որ Նիկոլ Փաշինյանի իշխանությունը ենթակա է ամբողջական իշխանափոխության: Հայկ Մարությանը պետք է հայտարարի, որ կիսում է մեր այս տեսակետը և պահանջում է ամբողջական իշխանափոխություն, սա մեր հանրության ուղերձն է ու հենց սրա համար են մեզ քվե տվել: Երկրորդ՝ քվե են տվել, որ փոխենք իշխանությունը Երևանում, մենք պատրաստ ենք այս երկու ուղերձներն էլ սպասարկել: Մեր մանդատը պետք է օգտագործենք, որ Երևանի քաղաքապետը ՔՊ-ական չլինի, առնվազն գոնե հայտարարության մակարդակով պետք է հնչի, որ կիսում են մեր այն տեսակետը, որ պետք է լինի ամբողջական իշխանափոխություն՝ համապետական մասշտաբով: Սա է մեր առաջարկը, մնացած ով, ինչ կհայտարարի, արդեն իր գործն է, եթե նոր ընտրությունների հարց կա, մեզ համար խնդիր չէ, պատրաստ ենք մասնակցել դրան»,-ասել է նա: «Հանրային ձայն» կուսակցության ղեկավար Վարդան Ղուկասյանը (Դոգ) ֆեյսբուքյան ուղիղ եթերում հայտարարել է, որ կուսակցությունը պատրաստ է կոալիցիա կազմել «Ազգային առաջընթաց» կուսակցության և «Մայր Հայաստան» դաշինքի հետ և այդպիսով տապալել «Քաղաքացիական պայմանագիր» կուսակցության իշխանությունը։ Նա ասել է` կողմ է, որ կամ Անդրանիկ Թևանյանը կամ Հայկ Մարությանը դառնան քաղաքապետ, բայցև պայման է դրել՝ վերահսկողական գործառույթները վերապահվեն «Հանրային ձայն» կուսակցությանը։ ԿԸՀ-ն հրապարակել է Երևանի ավագանու ընտրությունների քվեարկության նախնական արդյունքները: «Քաղաքացիական պայմանագիր» կուսակցությունը ստացել է 32․57%, «Ազգային առաջընթաց» կուսակցությունը՝ 18․89%, «Մայր Հայաստան» դաշինք՝ 15.43%, «Հանրային ձայն» կուսակցություն` 9․68%: Wրևէ քաղաքական ուժի չի հաջողվել միայնակ ձևավորել մեծամասնություն ավագանիում, ինչը նշանակում է, որ քաղաքապետին պետք է ընտրի նորընտիր ավագանին։ Եթե քաղաքական ուժերից որևէ մեկին հաջողվեր հավաքել 50 տոկոսից ավելի ձայներ, այդ դեպքում հենց այդ քաղաքական ուժի ցուցակի առաջին համարի թեկնածուն օրենքի ուժող կդառնար Երևանի քաղաքապետ։   Ուշագրավ Նա տարակուսելի է համարել տեղեկությունը, որ Ադրբեջանն իր գործողույունների մեկնարկի մասին տեղյակ է պահել ՌԴ–ին Խստագույնս դատապարտում ենք Ադրբեջանի կողմից Լեռնային Ղարաբաղի նկատմամբ ագրեսիան և զանգվածային ոճրագործությունը, նշել է ԱԳՆ-ն Այս մասին ասել է Երևանի ավագանու «Իմ քայլը» խմբակցության ղեկավար Արմեն Գալջյանը «Մեզ, մեր երկրին դա (վավերացումը) պետք է»,–ասել է նա   Ամենաընթերցվողը բաժնում |  Վերջին լուրեր Բորել․ ԼՂ մարդասիրական օգնություն հասցնելու հրատապ անհրաժեշտություն կա  Եվրահանձնաժողովն ակնկալում է Լեռնային Ղարաբաղից մարդկանց զանգվածային ելք դեպի ՀայաստանԱՆ․ Փորձելու ենք հնարավորինս արագ տեղափոխել թե պայթյունից տուժածներին, թե վիրավորներին Բժիշկներ են եկել նաև արտերկրից՝ Իսպանիայից, Մեծ Բրիտանիայից, գալու են նաև այլ երկրներից նեղ մասնագետներՓոխվարչապետ․ 19,000 մարդ է հատել Կոռնիձորի անցակետը 500 արցախցի տեղակայվել է Վայքում, 500-ն էլ՝ ԳեղարքունիքումՊուտինը և Ռայիսին քննարկել են ԼՂ շուրջ իրավիճակը. Հետաքրքրված են «3+3» հարթակի ակտիվացմամբ Պուտինը տեղեկացրել է նրան ԼՂ «հայ բնակչության իրավունքների և անվտանգության պաշտպանության մասին» |
