Էրդողանը՝ ՄԱԿ–ում․ Սպասում ենք Հայաստանից «առաջին հերթին Զանգեզուրի միջանցքի բացում»

Էրդողանը՝ ՄԱԿ–ում․ Սպասում ենք Հայաստանից «առաջին հերթին Զանգեզուրի միջանցքի բացում»

PanARMENIAN.Net - Թուրքիայի նախագահ Ռեջեփ Թայիփ Էրդողանը ՄԱԿ ԳՎ ամբիոնից Թուրքիայի լիակատար սատարումն է հայտնել Ադրբեջանին նաև սպառնացել Հայաստանին։

Նա հայտարարել է, թե Թուրքիան Հայաստանից ակնկալում է «առաջին հերթին Զանգեզուրի միջանցքի բացում», գրում է APA-ն։

«Մենք ակնկալում ենք Հայաստանից իր խոստումների կատարում, առաջին հերթին Զանգեզուրի միջանցքի բացում։ Ղարաբաղը, ինչպես բոլորն արդեն ընդունել են, ադրբեջանական տարածք է և ոչ մի այլ կարգավիճակ այս հարցում չի ընդունվի։ Մեր առաջին նպատակը պետք է լինի բոլորի խաղաղ գողյակցությունը Ադրբեջանի տարածքում, այդ թվում հայերի։ Մենք սատարում ենք Ադրբեջանի քայլերին և առաջ ենք գնում «Մեկ ազգ՝ երկու պետություն» կարգախոսով»,–ասել է նա։

Ադրբեջանը Արցախի դեմ լայնամասշտաբ հարձակում է սկսել: Բաքուն հայտարարել է, որ անցկացվող գործողության մասին «իրազեկվել են ՌԴ խաղաղապահ զորակազմի հրամանատարությունը և Ռուս–թուրքական դիտորդական կենտրոնի ղեկավարությունը»։ Որպես նպատակ նշվել է «ՀՀ զինված ուժերի կազմավորումների զինաթափումն ու դուրսբերումը, ռազմական ենթակառուցվածքների չեզոքացումը»։ Ադրբեջանը փորձում է նախօրեին ականի պայթունից 6 ադրբեջանցու մահը բարդել հայկական կողմի վրա։ Ավելի վաղ հայտնի դարձավ, որ Արցախը զանգվածային հրետակոծության տակ է, այդ թվում՝ Ստեփանակերտը։ю

 Ուշագրավ
Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը
«Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա
ՀՀ և Ադրբեջանի միջև խաղաղ բանակցություններին և կարգավորմանը վերաբերող հարցերը չեն քննարկվելու
«Այն անպայման կցուցադրվի, սակայն պարզ չէ, թե երբ»,–ասել է Սեիդովը
---