Բեգլարյան․ Ադրբեջանցիները 1 խաղաղ բնակչի են սպանել Հաթերքում և շարժվում են դեպի Ստեփանակերտ

PanARMENIAN.Net - Արցախի նախկին պետնախարար Արտակ Բեգլարյանը X–ի իր էջում գրել է, որ սեպտեմբերի 21–ին ադրբեջանցիներն օկուպացված Հաթերքում նախնական տվյալներով մեկ քաղաքացիական անձի են սպանել և կրակելով շարժվում են Ստեփանակերտի ուղղությամբ։

«Ադրբեջանցիները ոչ միայն չեն դադարեցրել կրակը սեպտեմբերի 20–ի 13։00–ին, մի քանի ժամ կրակելով տարբեր ուղղություններով, այլ խախտել են նաև այսօր՝ սեպտեմբերի 21–ին։ Այսօր առավոտյան նախնական տվյալներով ադրբեջանցիներն օկուպացված Հաթերք գյուղում մեկ քաղաքացիական անձի են սպանել և կրակելով շարժվում են Ստեփանակերտի ուղղությամբ»,–ասվում է գրառման մեջ։

Ադրբեջանը սեպտեմբերի 19-ին Արցախի դեմ լայնամասշտաբ հարձակում է իրականացրել՝ ամբողջությամբ զանգվածային հրետակոծության տակ առնելով Արցախը, այդ թվում՝ Ստեփանակերտը։ Սեպտեմբերի 20-ի առավոտվա դրությամբ մի շարք քաղաքներից ու գյուղերից ավելի քան 7000 մարդ էր տարհանվել, առնվազն 200 զոհ կա և 400 վիրավոր։ Բաքուն հայտարարել էր, որ չի դադարեցնի ռազմական գործողությունները, մինչև Արցախի ՊԲ-ն վայր չդնի զենքերը, ԱՀ իշխանությունն էլ չլուծարվի: Սեպտեմբերի 20–ին հայտնի դարձավ, որ ԱՀ իշխանություններն ընդունել են ռուսական խաղաղապահ առաքելության հրամանատարության առաջարկությունը կրակի դադարեցման վերաբերյալ, ըստ էույթան համաձայնվելով Բաքվի պայմաններին՝ ՊԲ զինաթափում և լուծարում։ Սեպտեմբերի 21–ին հանդիպում է նախատեված Եվլախում Բաքվի և ԼՂ ներկայացուցիչների միջև։