Բաքուն հայտնել է արցախցիների ձերբակալությունների մասին

Բաքուն հայտնել է արցախցիների ձերբակալությունների մասին

PanARMENIAN.Net - Պաշտոնական Բաքուն հայտնել է արցախցիների ձերբակալությունների մասին։

Ադրբեջանի պետական անվտանգության ծառայությունը նրանց մեղադրանք է ներկայացրել «ահաբեկչական գործողությունների իրականացնելու» համար, հայտնում է Haqqin.az-ը։

Նրանց են վերագրում սեպտեմբերի 19-ին ականի պայթյունի հետևանքով 6 ադրբեջանցու մահվան դրվագը։ Պայթյունը տեղի էր ունեցել Մարտունու շրջանի Թաղավարդ գյուղի մոտակայքում։

Ձերբակալվածների թիվը չի նշվում։

Նշվում է, որ այդ գործողությունների կատարման մեջ կասկածվող անձինք «զինաթափվել են և կալանավորվել»։

Ադրբեջանի ԱԱԾ–ն նաև հորդորել է Լեռնային Ղարաբաղի բնակիչներին չոչնչացնել «գույքն ու փաստաթղթերը»։

Ադրբեջանը սեպտեմբերի 19-ին Արցախի դեմ լայնամասշտաբ հարձակում է իրականացրել՝ ամբողջությամբ զանգվածային հրետակոծության տակ առնելով Արցախը, այդ թվում՝ Ստեփանակերտը։ Սեպտեմբերի 20-ի առավոտվա դրությամբ մի շարք քաղաքներից ու գյուղերից ավելի քան 7000 մարդ էր տարհանվել, առնվազն 200 զոհ կա և 400 վիրավոր։ Բաքուն հայտարարել էր, որ չի դադարեցնի ռազմական գործողությունները, մինչև Արցախի ՊԲ-ն վայր չդնի զենքերը, ԱՀ իշխանությունն էլ չլուծարվի: Սեպտեմբերի 20–ին հայտնի դարձավ, որ ԱՀ իշխանություններն ընդունել են ռուսական խաղաղապահ առաքելության հրամանատարության առաջարկությունը կրակի դադարեցման վերաբերյալ, ըստ էույթան համաձայնվելով Բաքվի պայմաններին՝ ՊԲ զինաթափում և լուծարում։ Սեպտեմբերի 21–ին հանդիպում է տեղի ունեցել Եվլախում Բաքվի և ԼՂ ներկայացուցիչների միջև, որի ընթացքում որևէ կոնկրետ համաձայնություն ձեռք չի բերվել։

 Ուշագրավ
Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը
«Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա
ՀՀ և Ադրբեջանի միջև խաղաղ բանակցություններին և կարգավորմանը վերաբերող հարցերը չեն քննարկվելու
«Այն անպայման կցուցադրվի, սակայն պարզ չէ, թե երբ»,–ասել է Սեիդովը
---