Կանադայի ԱԳ նախարար Մելանի Ժոլին X-ի իր միկրոբլոգում լուսանկարներ է հրապարակել Ծիծեռնակաբերդ այցից և գրառում արել, որն ավարտվում է հայատառ՝ «Հիշում ենք և պահանջում» արտահայտությամբ։
Ժոլին Երևանում էր երկօրյա այցով։
«1915 թվականին Հայոց ցեղասպանության ժամանակ սպանվել է ավելի քան 1․5 միլիոն հայ: Այստեղ` Երևանում, մենք շարունակում ենք հարգել զոհերի հիշատակը և պարտավորվում ենք երբեք չմոռանալ մեր պատմության այդ մութ դրվագը»,– ասվում է գրառման մեջ։
Կանադայի ԱԳ նախարար Մելանի Ժոլիի գլխավորած պատվիրակությունը ՀՀ ԱԳ նախարար Արարատ Միրզոյանի ուղեկցությամբ այցելել էր Հայոց ցեղասպանության հուշահամալիր և հարգանքի տուրք մատուցել ցեղասպանության զոհերի հիշատակին: