Ալիևը զորահանդեսի է մասնակցել ամայի Ստեփանակերտում

Ալիևը զորահանդեսի է մասնակցել ամայի Ստեփանակերտում

PanARMENIAN.Net - Ադրբեջանի նախագահ Իլհամ Ալիևը զորահանդեսի է մասնակցել ամայի Ստեփանակերտում։ Նրան ուղեկցել են կինն ու որդին՝ Հեյդար Ալիևը։

Ադրբեջանական ԱՊԱ–ն գրում է, որ զորահանդեսի ժամանակ ցուցադրվել է որպես ավար հայերից առգրավված ռազմական տեխնիկան։

Տեխնիկայով ընդամենը մի քանի լուսանկար է ներկայացված։

Մինչդեռ Արցախի պաշտոնյաները հայտարարել են, որ զենքն ու ռազմատեխնիկան հանձնել են ՌԴ խաղաղապահներին։ ՌԴ ՊՆ–ն, իր հերթին հայտնել էր, որ ռազմատեխնիկան ուղարկվել է Ռուսաստան «պլանային վերանորոգման»։

Ադրբեջանը սեպտեմբերի 19-ին Արցախի դեմ լայնամասշտաբ հարձակում է իրականացրել՝ ամբողջությամբ զանգվածային հրետակոծության տակ առնելով երկիրը։ Արդյունքում մեկ օր անց՝ սեպտեմբերի 20-ին ԱՀ իշխանություններն ընդունել են ռուսական խաղաղապահ առաքելության հրամանատարության առաջարկը կրակի դադարեցման վերաբերյալ՝ համաձայնվելով Բաքվի պայմաններին՝ ՊԲ զինաթափում և Արցախի Հանրապետության լուծարում։ Սեպտեմբերի 24-ից արցախցիների բռնի տեղահանում է սկսվել, 100,000–ից ավելի մարդ է բռնի տեղահանվել Հայաստան: Ըստ որոշ տվյալների, Արցախում մոտ 40 հայ է մնացել։ Սեպտեմբերի 28–ին ԱՀ նախագահ Սամվել Շահրամանյանը հրամանագիր է ստորագրել ԱՀ լուծարման մասին, որը ուժի մեջ է մտնում 2024–ի հունվարի 1–ից։

 Ուշագրավ
Կողմերը քննարկելու են նաև համագործակցությունը նավթագազային ոլորտում
Էսմայիլին ասել է, որ թռիչքի ժամանակ եղանակը բարենպաստ է եղել, ամպամածություն եղել միայն մեկ հատվածում
Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական
---