$10 մլն-ին համարժեք դրամ կուղղվի ՀՀ-ում կանանց ձեռներեցության զարգացմանը

$10 մլն-ին համարժեք դրամ կուղղվի ՀՀ-ում կանանց ձեռներեցության զարգացմանը

PanARMENIAN.Net - Ակբա բանկը Եվրոպական միության և Վերակառուցման և զարգացման եվրոպական բանկի հետ գործակցությամբ ու Շվեդիայի աջակցությամբ ներգրավել է 10 միլիոն դոլարին համարժեք դրամի ֆինանսական միջոցներ:

Ներգրավված միջոցներն Ակբա բանկը կուղղի Հայաստանում կին ձեռներեցների ֆինանսավորմանը։ Ակբան ֆինանսավորումը ներգրավել է «Կանայք բիզնեսում» ծրագրի շրջանակում:

Եվրամիության և ՎԶԵԲ-ի հետ այս նախաձեռնությունը Հայաստանում էլ ավելի կզարգացնի փոքր ու միջին ձեռնարկությունները, որոնց ղեկավարները կանայք են։ Տեղական արժույթով վարկավորման առանցքում են լինելու հատկապես գյուղական վայրերում գործող բիզնեսները։

«Նոր ռեսուրսները հնարավորություն են տալու կանանց, որպեսզի նրանք ավելի ակտիվ ու համարձակ լինեն բիզնես նախաձեռնությունների մեջ։ Ակբա բանկն արդեն զգալի ձեռքբերումներ ունի կանանց բիզնես գործունեության վարկավորման մեջ. կանայք բավականին ակտիվ դեր ունեն տնտեսության փոքր ու միջին հատվածի գործունեության շրջանակում»,- նշել է Ակբա բանկի գլխավոր գործադիր տնօրեն Հակոբ Անդրեասյանը։

«Ակբա բանկի հետ մեր երկարատև համագործակցության արդյունքում արդեն մի շարք ծրագրեր ենք իրականացրել։ Ստորագրված վարկը տրամադրվելու է երկու փուլով․ առաջին փուլում կտրամադրվի 6 միլիոնը, մնացած 4-ը կտրամադրվի հաջորդ տարի։ ԵՄ-ն մեզ համար ապահովել է լրացուցիչ ֆինանսավորում՝ երաշխիքների տեսքով, որոնք Ակբայի հետ ստորագրված մեր վարկը մատչելի են դարձնում։ Սա բազմակողմանի շահավետ ծրագիր է։ Ակբան ունի հաճախորդների լավ պորտֆոլիո. մենք շատ ուրախ ենք Ակբային աջակցելու համար»,- նշել է ՎԶԵԲ-ի Կովկասի տարածաշրջանային ղեկավար Ալկիս Վրյենիոս Դրակինոսը։

Ակբա բանկը ՎԶԵԲ-ի հետ համագործակցում է 2003 թվականից։ ՎԶԵԲ-ը մինչև օրս Հայաստանում 207 ծրագրում ներդրել է ավելի քան 2 միլիարդ եվրո՝ աջակցելով մասնավոր հատվածի և «կանաչ» տնտեսությունների զարգացմանը։

Բանկը վերահսկվում է ՀՀ ԿԲ կողմից։

 Ուշագրավ
Ուսումնասիրությունները մեկնարկել են Փաշինյանի հանձնարարությամբ
Երասխում պողպատի գործարանի կառուցման համար ընկերությունը ներդրել էր 2 միլիարդ դրամ
Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը
Կապահովվի խաղողի մթերումների գործընթացի կազմակերպումը
---