Fly Arna–ն հերքում է թռիչքների կասեցման լուրերը․ Ամրագրման համակարգը չի գործել տեխնիկական պատճառով

Fly Arna–ն հերքում է թռիչքների կասեցման լուրերը․ Ամրագրման համակարգը չի գործել տեխնիկական պատճառով

PanARMENIAN.Net - Հայկական ազգային ավիաուղիներ Fly Arna–ն հերքում է վերջին օրերին թռիչքների կասեցման մասին մամուլում տարածված լուրերը։

Պարզաբանման մեջ նշվում է, որ ավիաընկերությունը շարունակում է բնականոն թռիչքների իրականացումը՝ հավատարիմ մնալով իր ուղևորներին հարմարավետ և վստահելի թռիչքային փորձառությամբ ապահովելու իր խոստմանը։

«Վերջին մի քանի օրերի ընթացքում ավիաընկերության ամրագրման համակարգը չի գործել տեխնիկական խնդիրներով պայմանավորված, ինչը ժամանակավոր անհարմարություններ էր ստեղծել մեր գործընկերների և ուղևորների համար։ Ուրախ ենք տեղեկացնել, որ տեխնիկական խնդիրներն այժմ կարգավորված են, և ավիաընկերության ավիատոմսերի համակարգը հասանելի է ամրագրումների համար»,–ասվում է հայտարարության մեջ:

ԱՆԻՖ-ը, իր հերթին, որպես «Ֆլայ Արնա» հայկական ազգային ավիաընկերության բաժնետեր, տեղեկացնում է, որ ընկերության բնականոն գործունեությունը շարունակվում է։

«Ֆլայ Արնան իր 1․5 տարվա աշխատանքի ընթացքում ապացուցել է, որ որակը՝ թե սպասարկման, թե՝ շահագործման բոլոր այլ չափանիշների առումով առանցքային է ընկերության գործունեության համար։ Այսօր ընկերությունը ապահովում է ավելի քան 125 աշխատատեղ, ներառյալ՝ միջազգային լավագույն չափանիշներով վերապատրաստված անձնակազմի համար։ Վստահ ենք, որ ընկերությունը շարունակելու է մնալ Հայաստանում ժամանակակից ավիացիայի բոլոր չափանիշների ներդրման ջատագովը եւ առաջամարտիկը։ ԱՆԻՖ-ը լիահույս է մոտ ապագայում տեսնել ոլորտում այս նշաձողին հասնելու համար անհրաժեշտ բոլոր փոփոխությունները»,–ասվում է ԱՆԻՖ-ի հայտարարության մեջ։

Fly Arna-ն՝ հայկական ազգային ավիափոխադրողն է և Հայաստանի պետական հետաքրքրությունների ֆոնդի (ԱՆԻՖ) և «Էյր Արաբիա» խմբի համատեղ ձեռնարկությունը: Տեղակայվելով Երեւանի «Զվարթնոց» միջազգային օդանավակայանում՝ Fly Arna-ն հետեւում է Air Arabia-ի հաջողված բյուջետային բիզնես մոդելին, որն առաջարկում է հարմարավետություն, հուսալիություն եւ արժեքավոր օդային փոխադրումներ:

Ընթերցեք նաև․ «Հետք»․ Fly Arna-ի 2 ինքնաթիռից մեկը դուրս է գրվել հայկական ռեգիստրից և ուղարկվել Հնդկաստան

 Ուշագրավ
Առաջարկվում է նաև տուգանային միավոր սահմանել նաև լուսաթափանցելիության կանոնի խախտման համար
Ամփոփվել են միասնական քննությունների առաջին փուլի արդյունքները
Հաջորդ հումանիտար բեռը նախատեսվում է տրամադրել Խարկովի հիվանդանոցներից մեկին
Փետրվարի 6–ի ցերեկը մայրաքաղաքում սպասվում է +11, իսկ փետրվարի 7–ին՝ +13 աստիճան
---