Հայաստանի բնակչության մոտ 70 տոկոսն արդեն զգացել է ճգնաժամի բացասական ազդեցությունն իր վրա

6 մայիսի 2009 - 19:38 AMT

PanARMENIAN.Net - Հայաստանի բնակչության մոտ 70 տոկոսն արդեն զգացել է ճգնաժամի բացասական ազդեցությունն իր վրա: Այդ մասին վկայում են «Տնտեսություն եւ արժեքներ» կենտրոնի հետազոտությունների արդյունքները, որոնք նպատակ ունեին պարզելու ճգնաժամի ազդեցությունը Հայաստանում տնային տնտեսությունների, ձեռնարկությունների եւ մակրոտնտեսական իրադրության վրա:

Ինչպես հաղորդել է «Տնտեսություն եւ արժեքներ» հետազոտական կենտրոնի գլխավոր տնօրեն եւ նախագահ Մանուկ Հերգնյանը Երեւանում մամլո ասուլիսի ժամանակ, հարցված տնային տնտեսությունների 44 տոկոսի մոտ նկատվել է եկամուտի նվազում, 15 տոկոսի մոտ` աշխատավարձի ուշացումներ, 11 տոկոսը հայտնվել են հարկադիր գործազրկության մեջ, իսկ 7 տոկոսը կորցրել է աշխատանքը:

Հերգնյանի խոսքերով, եկմուտների կրճատումն արձանագրվել է 11-25 տոկոսի սահմաններում, դրա հետ մեկտեղ կրճատումների առավել բարձր մակարդակ գրանցվել է Երեւանում, որտեղ 40 տոկոս հարցվածներ նշել են, որ ընտանիքների եկամուտները նվազել են 26-50 տոկոսով:

Հետազոտական կենտրոնի նախագահը նշեց, որ հարցվածների մոտ 80 տոկոսը նախընտրությունը տալու է ավելի էժան ապրանքներին: «Եւ միայն տնտեսվարող սուբյեկտների 20 տոկոսը լավատես էին եւ համոզմունք էին հայտնում, որ ճգնաժամը կհաղթահարվի մոտ ժամանակներս»,- ավելացրել է Հերգնյանը:

Հարցմանը մասնակցել է 1000 տնային տնտեսություն:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով