Կաշառք ստանալու կասկածանքով ձերբակալվել է ԱԱՏՄ բժշկական օգնության և սպասարկման վերահսկողության վարչության պետը

Կաշառք ստանալու կասկածանքով ձերբակալվել է ԱԱՏՄ բժշկական օգնության և սպասարկման վերահսկողության վարչության պետը

PanARMENIAN.Net - Փետրվարի 21–ին ձերբակալվել է Առողջապահական տեսչական մարմնի (ԱԱՏՄ) բժշկական օգնության և սպասարկման վերահսկողության վարչության պետ Քրիստինա Աբրահամյանը: Հակակոռուպցիոն կոմիտեի խոսնակ Մարինա Օհանջանյանը հաստատել է տեղեկությունը, հայտնում է «Ազատությունը»

Ըստ խոսնակի՝ Աբրահամյանը մեղադրվում է կաշառք ստանալու մեջ, նաև միջնորդություն է ներկայացվել դատարան՝ նրան կալանավորելու համար: Դատական նիստը դեռ շարունակվում է:

«Ազատության» նախնական տեղեկությունով, ԱԱՏՄ վարչության պետին ենթադրյալ կաշառք տվողը «Վիոլետա» ԲԿ-ի տնօրենն է՝ Վիոլետա Սարգսյանը: Հակակոռուպցիոն կոմիտեից ոչ հերքել են, ոչ էլ հաստատել այս տեղեկությունը:

2023–ին հենց «Վիոլետա» ԲԿ-ն է գնել Ֆիզոթերապիայի ինստիտուտը: «Կուրորտաբանության և ֆիզիկական բժշկության գիտահետազոտական ինստիտուտի» գնման համար Տարածքային կառավարման նախարարությունը մրցույթ էր հայտարարել: Հաղթողն էլ միակ հայտատուն՝ «Վիոլետա բժշկական կենտրոն» ՓԲԸ-ի հիմնադիրն է:

 Ուշագրավ
Համառոտագիրն անդրադառնում է առցանց տիրույթի կարգավորման բարեփոխումների դերին և կարևորությանը
Դիմում կարող են ներկայացնել ծրագրի առաջին փուլի պայմաններին բավարարող շահառուները
Շինարարությունը պետք է ավարտվեր դեռ 2021–ին, սակայն, մինչ օրս պարբերաբար հետաձգվում էր
---