Evoca-ն՝ տնտեսագիտական օլիմպիադայի գլխավոր գործընկեր 6 մարտի 2024 - 17:56 AMT PanARMENIAN.Net - Փետրվարի 27-ին Evocabank-ի վարչության նախագահի տեղակալ Տաթևիկ Խաչատրյանը և Վարքագծային որոշումների կենտրոնի հիմնադիր Արամ Ղազարյանը կնքել են համագործակցության հուշագիր, ըստ որի Բանկը նվիրաբերել է 10 մլն դրամ՝ դառնալով տնտեսագիտական օլիմպիադայի գլխավոր գործընկերը։ Տաթևիկ Խաչատրյանն իր խոսքում նշել է․ «Evoca-ում մենք մեծ կարևորություն ենք տալիս կրթությանն ու զարգացմանը։ Աջակցելով նմանատիպ նախաձեռնությունների՝ փորձում ենք խթանել երիտասարդների շրջանում տնտեսագիտության և ֆինանսների խորը ըմբռնումը, քանի որ նրանք են մեր երկրի տնտեսության զարգացման հիմքը»: Evoca-ն պարբերաբար աջակցություն է ցուցաբերում նորագույն տեխնոլոգիաների զարգացման, կրթության, գիտության և մշակույթի ոլորտներին, որը համարվում է Բանկի կորպորատիվ սոցիալական պատասխանատվության անբաժանելի մասը։ Տնտեսագիտական օլիմպիադան ավելին է, քան պարզապես մրցույթ. սա աշակերտների ու ուսանողների համար հնարավորություն է խորացնելու իրենց ֆինանսական գիտելիքները, ընդլայնելու պատկերացումները տնտեսագիտության մասին, կապվելու ոլորտի փորձագետների հետ և օգտագործելու իրենց գիտելիքներն ու ունակությունները միջազգային ասպարեզում, ինչպես նաև ձեռք բերելու միանման հետաքրքրություններ ունեցող ընկերներ: Օլիմպիադային կարող են մասնակցել ավագ դպրոցները, քոլեջները ու բոլոր այն ուսումնական հաստատությունները, որտեղ ուսանում են 10-12-րդ դասարանի աշակերտներ կամ նույն տարիքային խմբի ուսանողներ։ Տնտեսագիտական Օլիմպիադան անցկացվում է երեք փուլով` դպրոցական, հանրապետական և միջազգային: Օլիմպիադայի հանրապետական փուլը հաղթահարած մասնակիցները հնարավորություն կստանան մասնակցելու միջազգային փուլին, որը տեղի կունենա Հունաստանում։ Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Պեսկով. Կողմ ենք Բաքվի և Երևանի միջև շփումների շարունակմանը Նա նաև ասել է, որ Կրեմլը չի մեկնաբանում Հայաստանում տեղի ունեցող բողոքի ցույցերը Հացադուլի մեջ գտնվող ֆրանսահայ լրագրող Նիկոլյանի հարցը ՄԻՊ ուշադրության ներքո է Միևնույն ժամանակ, նրա փաստաբանը գրություն է հասցեագրել ԱԱԾ՝ պարզելու, թե ինչ հիմք է դրվել որոշման համար Փաշինյան. Հայաստանի և Ադրբեջանի սահմանին տեղադրված սյուները ՀՀ տարածքային ամբողջականության անկյունաքարերն են Ըստ նրա, որոշումը կայացվել է ֆիքսելու համար Հայաստանի տարածքային ամբողջականությունը ԱՄՆ կոնգրես է ներկայացվել Ադրբեջանի պաշտոնյաների դեմ պատժամիջոցներ սահմանելու օրինագիծը Այն շրջանառության մեջ է դրել կոնգրեսական Դինա Տիտուսը |