ԱԺ նախագահ․ Շատ կասկածում եմ՝ ՀՀ-ի վրա Թուրքիայի հարձակման դեպքում ՌԴ սահմանապահները կպաշտպանեն մեզ

ԱԺ նախագահ․ Շատ կասկածում եմ՝ ՀՀ-ի վրա Թուրքիայի հարձակման դեպքում ՌԴ սահմանապահները կպաշտպանեն մեզ

PanARMENIAN.Net - ԱԺ նախագահ Ալեն Սիմոնյանը, անդրադառնալով «Զվարթնոց» օդանավակայանից ռուս սահմանապահներին դուրս բերելու որոշմանը, նշել է, որ ՌԴ սահմանապահներին հայ-թուրքական սահմանից դուրս բերելու խոսակցություն չի եղել։

«Հիմա էլ խոսում են, թե Թուրքիայի սահմանը ով է պահելու։ Ես շատ խիստ կասկած ունեմ, որ եթե Թուրքիան հիմա որոշի Հայաստանի Հանրապետության վրա հարձակվել, ռուս սահմանապահները կարողանալու են կամ գործելու են և պաշտպանելու են»,- ասել է Սիմոնյանը։

Դիտարկմանը, թե նշված հայտարարությունից կարելի է ենթադրել, որ Հայաստանն առաջիկայում կորոշի հայ-թուրքական սահմանից էլ դուրս բերել ՌԴ սահմանապահներին, Սիմոնյանը պատասխանել է, որ նման խոսակցություն չի եղել՝ ինքը պարզապես արձագանքում է վերլուծաբանների կարծիքներին։

Սիմոնյանն ասել է, թե «Զվարթնոց» օդակայանից ռուս սահմանապահներին հեռացնելու հարցը լուծված է, և Երևանն ու Մոսկվան դրա շուրջ քննարկումներ չեն վարում:

 Ուշագրավ
«Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա
Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով
Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը
---