Զախարովա. Ադրբեջանի կողմից Կիևին զենքի մատակարարման լուրը ստուգվում է

Զախարովա. Ադրբեջանի կողմից Կիևին զենքի մատակարարման լուրը ստուգվում է

PanARMENIAN.Net - Ռուսաստանի ԱԳ նախարարության պաշտոնական ներկայացուցիչ Մարիա Զախարովան մարտի 27-ի ճեպազրույցում ասել է, որ Ադրբեջանի կողմից Կիևին զենք մատակարարելու մասին բոլոր տվյալները մանրակրկիտ ստուգվում են ռուսական գերատեսչությունների կողմից։ Նա այդպես է պատասխանել Ադրբեջանի կողմից Ուկրաինային սպառազինություն մատակարարելու վերաբերյալ լուրերը մեկնաբանելու խնդրանքին։

«Բոլոր տեղեկությունները մանրակրկիտ ստուգվում են մեր պրոֆիլային ուժային գերատեսչությունների կողմից»,–ասել է Զախարովան։

«Այն ամենը, ինչ հանրայնացվում է, և ոչ միայն հրապարակավ, մենք մանրակրկիտ կերպով քննարկում ենք բոլոր կողմերի հետ։ Ադրբեջանական կողմը պաշտոնապես հերքել է այդ ինֆորմացիան։ Նորից շեշտեմ, որ մենք սերտ շփման մեջ ենք այդ հարցի շուրջ ինչպես այլ երկրների, այնպես էլ Ադրբեջանի հետ, բացի արևմտյան երկրներից։ Մենք դիտարկում ու ստուգում ենք բոլոր տվյալները»,- ասել է Զախարովան։

Նա շեշտել է, որ ՌԴ համար «զենքի մատակարարման թեման սկզբունքային է», քանի որ նման գործողությունները «սպառնալիք են ՌԴ և նրա քաղաքացիների համար»։

 Ուշագրավ
Էսմայիլին ասել է, որ թռիչքի ժամանակ եղանակը բարենպաստ է եղել, ամպամածություն եղել միայն մեկ հատվածում
Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական
Կավելացվեն ծախսերը նաև հատուկ նշանակության նախագծերի ֆինանսավորման համար
---