Ադրբեջանն ու Թուրքիան ռազմարդյունաբերության ոլորտում հուշագրեր կստորագրեն

Ադրբեջանն ու Թուրքիան ռազմարդյունաբերության ոլորտում հուշագրեր կստորագրեն

PanARMENIAN.Net - Ադրբեջանն ու Թուրքիան հուշագրեր կստորագրեն ռազմարդյունաբերության ոլորտում։

Ադրբեջանի նախագահ Իլհամ Ալիևն ընդունել է Թուրքիայի նախագահի աշխատակազմի Ռազմարդյունաբերության կոմիտեի նախագահ Հալուկ Գյորգյունի ղեկավարած պատվիրակությանը։ Թուրքական պատվիրակության կազմում են այդ երկրի ռազմարդյունաբերության հիմքը կազմող ազդեցիկ ընկերությունների ղեկավարներ, գրում է APA-ն։

Ալիևն ասել է, որ Ադրբեջանում լուրջ ջանքեր են գործադրվում ռազմարդյունաբերության զարգացման ուղղությամբ։

Գյորգյունը տեղեկացրել է, որ թուրքական պատվիրակության կազմում ընդգրկված ընկերությունները և Ադրբեջանի ռազմարդյունաբերական ընկերությունները մի քանի ուղղություններով համագործակցության վերաբերյալ փոխըմբռնման հուշագրեր կստորագրեն։

Ավելի վաղ Ադրբեջանի պաշտպանության նախարար Զաքիր Հասանովը Թուրքիայում իր թուրք պաշտոնակից Յաշար Գյուլերի հետ քննարկել էր Բաքվի և Անկարայի ռազմական գործակցության հեռանկարները։

 Ուշագրավ
Էսմայիլին ասել է, որ թռիչքի ժամանակ եղանակը բարենպաստ է եղել, ամպամածություն եղել միայն մեկ հատվածում
Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական
Կավելացվեն ծախսերը նաև հատուկ նշանակության նախագծերի ֆինանսավորման համար
---