ԱՀՀ-ը հիասթափված է Հայաստանին հատկացվող օգնության ծավալները կրճատելու մասին Վաշինգտոնի որոշումից

PanARMENIAN.Net - Ամերիկայի Հայկական Համագումարը (ԱՀՀ) սխալ է համարում ԱՄՆ վարչակազմի որոշումը, որի համաձայն Վաշինգտոնը կրճատել է 2010 ֆինանսական տարում Հայաստանին հատկացվող ֆինանսական օգնության ծավալը: Այդ մասին լրագրողների հետ հանդիպման ժամանակ հայտարարել է Հայաստանում եւ Լեռնային Ղարաբաղում ԱՀՀ տարածաշրջանային տնօրեն Արփի Վարդանյանը: «Մենք հիասթափված ենք վարչակազմի այդ որոշումից: ԱՀՀ-ը համագործակցելու է ամերիկյան կոնգրեսականների եւ նահանգապետերի հետ, որպեսզի Հարավային Կովկասում հավասարակշռության խախտում թույլ չտա»,- ընդգծել է ԱՀՀ տարածաշրջանային տնօրենը` ավելացնելով, որ ԱՄՆ վարչակազմը պետք է գիտակցի տարածաշրջանում հավասարակշռության պահպանման կարեւորությունը: Նրա խոսքերով, ԱՀՀ-ը վարչակազմի ուշադրությունը հրավիրում է այն հանգամանքին, որ Թուրքիան եւ Ադրբեջանը շարունակում են Հայաստանի շրջափակումը: «Մենք կարծում ենք, որ այդ հանգամանքը պետք է հաշվի առնվի ֆինանսական օգնություն հատկացնելու մասին որոշում ընդունելու պահին»,- ընդգծել է Արփի Վարդանյանը:



ԱՄՆ վարչակազմը կրճատել է 2010 ֆինանսական տարում Հայաստանին հատկացվող ֆինանսական օգնության ծավալը: Բյուջեի նախագծում նաեւ խախտված է Հայաստանին եւ Ադրբեջանին ռազմական օգնություն տրամադրելու հավասարությունը: Մասնավորապես, ԱՄՆ վարչակազմն առաջարկում է 2010 ֆինանսական տարում Հայաստանին հատկացնել 30 մլն դոլար: Ավելին, այս անգամ բյուջեի մեջ ընդգրկված չէ ԼՂ-ին հումանիտար օգնություն տրամադրելու մասին կետը, այն դեպքում, երբ 2009 ֆինանսական տարում ԱՄՆ Կոնգրեսի որոշմամբ ԼՂՀ-ին հատկացվել է 8 միլիոն դրամի հումանիտար օգնություն:



Բացի դրանից, վարչակազմն առաջարկում է 2010 ֆինանսական տարում Հայաստանին հատկացնել 3 մլն դոլար ռազմական օգնություն, Ադրբեջանին` 4 մլն դոլար: Ռազմական ուսուցման ծրագրի (IMET) շրջանակներում Հայաստանի համար նախատեսվում է 450 հազար դոլար, իսկ Ադրբեջանի համար` 900 հազար դոլար:
 Ուշագրավ
«Հանրությունը չի հասկանա, եթե մենք Ադրբեջանում գերիներ ունենալով, միակողմանի վերադարձնենք քարտեզները»,-ասել է նա
Նա նշել է, որ վարչապետի պաշտոնակատարի կողմից քաղաքական վենդետաների, վրեժի, կադրային ջարդի մասին խոստումները խիստ մտահոգիչ են
Վերջինս հույս է հայտնել, որ մոտ ժամանակներս կլսենք միջազգային հանրության արձագանքները
Ըստ նրա, կամ էլ պահում են ճիշտ պահի այս իշխանություններին ինչ-որ ժեստ անելու համար