Լավրով․ ԱՄՆ–ն և նրա սատելիտները չեն ուզում, որ իրականացվեն ՀՀ և Ադրբեջանի միջև պայմանավորվածությունները

Լավրով․ ԱՄՆ–ն և նրա սատելիտները չեն ուզում, որ իրականացվեն ՀՀ և Ադրբեջանի միջև պայմանավորվածությունները

PanARMENIAN.Net - Ռուսաստանի արտաքին գործերի նախարար Սերգեյ Լավրովը Մինսկում ԱՊՀ ԱԳՆ խորհրդի նիստին հաջորդած մամուլի ասուլիսում հայտարարել է, որ ԱՄՆ–ն և նրա սատելիտները չեն ցանկանում թույլ տալ, որ իրականացվեն Ռուսաստանի աջակցությամբ Հայաստանի և Ադրբեջանի միջև ձեռք բերված պայմանավորվածությունները:

«Բոլորն ամեն ինչ հիանալի հասկանում են։ ԱՄՆ–ն և նրա սատելիտները փորձում են ներխուժել մեր ընդհանուր տարածքի բոլոր տարածաշրջաններ, փորձում են խարխլել Հարավային Կովկասում իրավիճակի կայունացման վերաբերյալ պայմանավորվածությունները, չեն ուզում թույլ տալ, որ իրականացվեն Ռուսաստանի աջակցությամբ Հայաստանի և Ադրբեջանի միջև ձեռք բերված պայմանավորվածությունները»,–ասել է նա, գրում է ՌԻԱ Նովոստին։

Նա հավելել է, որ Վաշինգտոնն ակտիվորեն փորձում է ներթափանցել նաև Կենտրոնական Ասիա և ՌԴ դեմ ձևաչափեր ստեղծել՝ թեև հրապարակավ հայտարարում է հետխորհրդային երկրների համար «իրական ինքնիշխանության» հասնելու ցանկության մասին։

ՀՀ ԱԳ նախարար Արարատ Միրզոյանը չի մասնակցում ԱՊՀ ԱԳՆԽ նիստին։ Հայաստանը ներկայացված է փոխնախարարի մակարդակով։

 Ուշագրավ
Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները
Հանդիպումը տեղի կունենա, եթե Հայաստանը ևս տա իր համաձայնությունը
---