Բողոքի ակցիա՝ Բեռլինում «Ալիևին՝ Հաագա» վանկարկումով

Բողոքի ակցիա՝ Բեռլինում «Ալիևին՝ Հաագա» վանկարկումով

PanARMENIAN.Net - «Ալիևին՝ Հաագա» վանկարկումով մի խումբ քաղաքացիներ հավաքվել էին Գերմանիայի կանցլերի նստավայրի առջև, որտեղ տեղի է ունեցել կանցլեր Օլաֆ Շոլցի հանդիպումը Ադրբեջանի նախագահ Իլհամ Ալիևի հետ։ Այդ մասին X-ի էջում հայտնել է Գերմանիայում Մարդու իրավունքների միջազգային կազմակերպությունը:

Ակցիայի մասնակիցները նաև ծածանել են Արցախի Հանրապետության դրոշը, ինչպես երևում է տեսանյութում։

Ալիևին Բեռլինում բողոքի ակցիայով են դիմավորել նաև Գերմանիայում բնակվող մի խումբ ադրբեջանցիներ, հայտնում է Factor.am–ը։

Ադրբեջանի նախագահի ավտոշարասյանն ադրբեջանցի քաղաքական էմիգրանտները դիմավորել են «Ալիև, բռնապե՛տ» վանկարկումներով։

Ալիևն աշխատանքային այցով Բեռլինում է, որտեղ մասնակցել է Պետերսբերգի XV կլիմայական երկխոսության բարձր մակարդակի միջոցառմանը։

Գերմանիայի կանցլեր Օլաֆ Շալցը Ալիևի հետ համատեղ մամուլի ասուլիսում կարծիք է հայտնել, որ ՀՀ և Ադրբեջանի միջև կարգավորման շանսերը բարձր են ավելի, քան երբևէ։

 Ուշագրավ
Կողմերը քննարկելու են նաև համագործակցությունը նավթագազային ոլորտում
Էսմայիլին ասել է, որ թռիչքի ժամանակ եղանակը բարենպաստ է եղել, ամպամածություն եղել միայն մեկ հատվածում
Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական
---